Ohura er ein busetnad vest på Nordøya på New Zealand. Han ligg vest for Taumarunui i området som er kjent som King Country, inne i regionen Manawatu-Wanganui. Byen ligg ved breidda av elva Mangaroa-elva, ei sideelv til Ohura-elva som på si side er ei sideelv til Whanganui-elva.
Ohura var senter for kolgruvedrift i regionen, og gruvene var i drift til kring 1965. Saman med drifta av jarnvegen utgjorde gruvene den viktigaste industrien i byen. Landbruk er ein viktig næringsveg i distriktet. Det har også vore på tale å opna somme av dei gamle, tidlegare uøkonomiske kolgruvene i distriktet att.
Ved folketeljinga i 2006 hadde Ohura 165 innbyggjarar, ein nedgang på 57 sidan 2001.
Ein sentral attraksjon i byen er det vesle Ohura Museum som har teke vare på mykje av historia om Ohura og områda omkring.
Kjelder
Denne artikkelen bygger på «Ohura» frå , den 26. november 2012.
Bakgrunnsstoff Heimeside til Ohura
Kategori:Busetnader i Manawatū-Whanganui