Andres Jonsson Grindland () var ein ein lærar, jurist, journalist, redaktør og stortingsmann frå Finsland i Vest-Agder. Han var medlem av Venstre.
Grindland var son til ein gardbrukar. Sjølv vart han seminarist frå Holt i 1875, og var dei neste fire åra lærar. Han vart student i 1880 og cand. jur. i 1886. Frå 1886 var han overrettssakførar i Kristiansand, og var redaktør av Fædrelandsvennen i 25 år, frå 1886 til 1911.
I 1911 vart han sorenskrivar i Setesdal, og var i stillinga fram til 1924.
Grindland var medlem av Kristiansand bystyre i fleire år, og formann i skulestyret i byen frå 1901-08. Heile tida frå 1900 til 1909 var han 1. varamann til Stortinget.
Grindland var en aktiv motstander av monarkiet og stilte spørsmålet «Hva med prinsene? Hva skal vi gjøre med prinsene?». Ved folkeavstemminga i 1905 stemte 1084 kristiansanderar for republikk og 1099 for monarki.
Etter Johannes Hougen fekk sete i regjeringa sommaren 1909, møtte Grindland på Stortinget. Han var medlem av budsjettkomiteen. Valperioden 1910-12 var han fast stortingsrepresentant for Baneheia krins. Då var han sekretær i justiskomiteen, og det meste av perioden også av Lagtinget.
Kjelder
Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1907-1909 Kategori:Stortingsrepresentantar 1910-1912