Rune Gjeldnes () er ein norsk marinejeger og polfarar.
Gjeldnes er utdanna marinejeger ved Marinejegerkommandoen i Ramsund. Saman med Torry Larsen, ein kollega i MJK, , kryssa han Grønland på tvers — frå vest til aust — i 1994. Det var overraskande lett, meinte Gjeldnes, og rekna ekspedisjonen som ein treningstur. Å kryssa Grønland på langs vart difor eit nytt mål.
Då Gjeldnes og Larsen kryssa Grønland på langs ville dei at det skulle vera så likt ein marinejegaroperasjon som råd; både bruk av luft, hav og land. Utruleg nok fekk dei lov til å verta transportert med eit av MJK sine spesialbygde Herculesfly. Etter klargjering med Grønland, hoppa Gjeldnes og Larsen ut med fallskjerm i 1996. I den augneblinken gjekk operasjonen frå å vera ein militær operasjon over til ein sivil ekspedisjon. Dei nådde havet i sør, etter å ha gått eit par timar, og padla med kajakk til det sørlegaste punket, Kapp Farvel. Herifrå starta dei å gå på ski nordover, med tung sekk og pulk. Mat og energibruk var viktig på turen; Gjeldnes og Larsen sendte inn prøvane sine til Forsvaret for vidare forsking. Gjeldnes forbrann om lag 9000 kcal dagleg, medan Larsen brukte 12000 kcal. Dei klarte derimot ikkje å få i seg meir enn 6000 kcal kvar dag; og Gjeldnes gjekk ned 2 kilo under ekspedisjonen.
I 2000 kryssa han i 2000 polhavet frå Severnaja Zemlja i Russland via Nordpolen fram til Cape Discovery i Canada saman med Torry Larsen.
Han vart den fyrste som har kryssa båe polane utan assistanse, og står òg registrert med den lengste skituren i verda på 4804 km etter at han kryssa Antarktis åleine i 2005/2006.
Ekspedisjonar
ÅrNamnMålVarigheitFølgjeUtmerking1996Grønland på langsKryssa Grønland frå nord til sør (2928 km)86 døgerTorry LarsenFyrste vellukka kryssing1998Mt. AconcaguaTil topps på Aconcagua-fjellet (6962 moh.)11 døgerRicky Hunt1998Merevari ekspedisjonenPadla ned Merevari-elva (650 km)33 døgerTorry LarsenFyrste vellukka ekspedisjon2000Arctic OceanKryssa polhavet frå Russland til Canada109 døgerTorry LarsenFyrste ekspedisjon utan assistanse2001The Devils CaveTa seg fram til Djevelgrotta i Amazonas35 døgerTorry Larsen, Bjørn Loe og Andreas HauerFyrste vellukka ekspedisjon2005/2006Lengste skituren i verdaKryssa Antarktis på ski (4804 km)93 døgerÅleineLengste skiekspedisjon utan assistanseMadagascarPadla ned Mangoky-elva (680 km)42 døgerHilde AassFyrste vellukka ekspedisjon
Kjelder Foredrag med Rune Gjeldnes, Setermoen leir, Bardu, 27. mai 2014 Denne artikkelen bygger på «Rune Gjeldnes» frå , den 20. januar 2013.
Bakgrunnsstoff Heimeside for ekspedisjonane Sjøforsvaret følgjer Rune Gjeldnes The Longest March
Kategori:Norske polfararar Kategori:Folk frå Surnadal Kategori:Norske antarktisfararar Kategori:Norske arktisfararar Kategori:Antarktiske polfararar Kategori:Arktiske polfararar