Takashi Fujisawa (japansk: 藤沢隆) () er ein japansk, tidlegare skihoppar og kombinertrennar frå Yoichi på Hokkaido. Han vann sølvmedaljen i storbakkerennet i ski-VM 1966 i Oslo og vart då den fyrste japanar som vann ein medalje i eit verdsmeisterskap på ski.

Aktiv Fujisawa byrja som kombinertrennar og vart nummer 20 i den greina under vinter-OL 1964 i Innsbruck. To år seinare kom han tilbake til Europa og deltok som hoppspesialist i verdsmeisterskapen i Oslo. Etter ein 16. plass i normalbakken Midtstubakken, overraska han stort og la beslag på sølvmedaljen i storbakkerennet i Holmenkollbakken, berre slått av den doble verdsmeisteren Bjørn Wirkola.

Under vinterolympiaden i Grenoble vart Fujisawa nummer 18 i storbakken, medan han i ski-VM 1970 kom på sjetteplass i storbakken i Štrbské Pleso. Nyårsdag 1972 vart han nummer fire i hoppvekerennet i Garmisch-Partenkirchen, eit renn som landsmannen Yukio Kasaya vann. Fujisawa avslutta si tid som aktiv skihoppar med ein 23. plass i normalbakken under vinter-OL i Sapporo og ein 14. plass i storbakken.

Kjelder og bakgrunnsstoff Denne artikkelen bygger på «Takashi Fujisawa» frå , den 19. februar 2013.

Kategori:Japanske skihopparar Kategori:Japanske deltakarar under vinter-OL 1964 Kategori:Kombinertløparar under vinter-OL 1964 Kategori:Japanske deltakarar under vinter-OL 1968 Kategori:Skihopparar under vinter-OL 1968 Kategori:Japanske deltakarar under vinter-OL 1972 Kategori:Skihopparar under vinter-OL 1972