Svatsum kyrkje er ei åttekantkyrkje frå 1860 i Gausdal kommune i Innlandet fylke.
Det har vore kyrkje på Svatsum sidan mellomalderen, og sidan 1725 har kyrkja stått nede i dalbotnen. I 1768 fekk denne kyrkja ei altartavle som var måla av Eistein Guttormsson Kjørrn. I 1860 vart det bygd ny kyrkje, og materialane frå gamlekyrkja vart nytta til å byggje Aulstad kyrkje, som dessutan fekk med seg det gamle inventaret.
Kyrkja som står på staden no, vart lafta av byggmeister Johann Eriksen frå Lillehammer. Ho vart pussa opp til jubileet i 2010, då det også vart sett inn glasmåleri i korveggane, laga av Sigrid Blekastad.
Bakgrunnsstoff
Tormod Ludvigsen: Svatsum kirke
Gausdal kyrkjelege fellesråd
Kategori:Kyrkjer i Gausdal Kategori:Kulturminne i Gausdal Kategori:Kyrkjer i Sør-Gudbrandsdal prosti Kategori:Norske kyrkjer frå 1860 Kategori:Åttekanta kyrkjer i Noreg