Auriòlas

Auriòlas (Auriolles en francés) es una comuna deu Vasadés istoric, en Guiana, lingüisticament gascona, administrada per lo departament de Gironda e la region de Novèla Aquitània, ancianament d'Aquitània.

Geografia vignette|upright=1.8|centre|Comunas a l'entorn.

Perimètre deu territòri

Toponimia Las fòrmas ancianas son Auriola (nemus quod dicitur...), en 1155-1183, Auriola, en 1274, Lauriola (de ~), en 1289 Bénédicte Boyrie-Fénié, Dictionnaire toponymique des communes, Gironde, ed. CAIRN e Institut Occitan, Pau, 2008, p. 50. Dauzat interprèta lo nom coma lo nom de l'ausèth, deu latin aureolus, e Negre, citat per Bénédicte Boyrie-Fénié, postula Centaurea calcitrapa o Narcissus poeticus, que pòden portar lo nom d'auriòla. Mes B. Boyrie-Fénié, considèra qu'en l'abséncia de sufixe, de valor collectiva, aqueras proposicions son dificilas. Accèpta pr'aquò l'idèa de Jacques Astor, que cita l'ancian francés oriol, « bòrd, bassulh, limit », que porré aver un equivalent en ancian occitan, e la remarca de P.H. Billy, que vei Auriòlas au limit de Vasadés e d'Agenés, doneré un pes suplementari a aquera suggestion . L'inconvenient es qu'entre Auriòlas e la devisa de las diocèsis, i a quasi 10 km.

Los autors coneishèven, probable, l'adjectiu auriòl quand es acompanhat d'un nom, coma los nombrós Montauriòls e Puèg-auriòls lengadocians. Si l'an pas acceptat ací, es que lo mot semblava pas de valor adjectivala. Mes un nom sosentendut es totjorn possible, coma per exemple lo latin villa o terra. Lo cas d'Auriòla es pas isolat. I a tanben la comuna d'Oriolles, en Charanta adara francesa, e son nom es atestat Auriola en 1100. La motivacion deu nom de la comuna charantesa pòt estar la preséncia de calcedònias pseudomorficas, de las pèiras preciosas que i an trobat Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 510. Aquera particularitat es benlèu absenta d'Auriòlas, mes la pròva es que l'adjectiu pòt se trobar en toponimia fòra de la preséncia aparenta d'un nom. L'adjectiu auriòl, auriòla pòt aver en lengadocian un sens concret (la color deu sòl), mes es sustot valorizant, perqué es en relacion emb l'aur, simbòle de riquesa Bénédicte Boyrie-Fénié, Dictionnaire toponymique des communes, Lot-et-Garonne, ed. CAIRN e Institut Occitan, Pau, 2012, p. 185-186, a Montauriol. Ajustem que Auriòlas e Oriolles an un autre punt comun : lo nom èra citat au singular a l'Edat Mejana, mes adara es au plurau, benlèu simplament grafic e francés (es mut dens l'occitan local).

Istòria

Administracion

Abans la refòrma cantonala de 2014, aplicada en 2015, la comuna èra deu canton de Pelagrua; es adara deu canton deu Reulés e de las Bastidas.

Demografia

En la populacion èra de abitants.

Veire tanben Comunas de Gironda Ligams extèrnes

Nòtas

Categoria:Comuna de Vasadés Categoria:Comuna de Gironda Categoria:Comuna de Guiana Categoria:Comuna d'Aquitània (Occitània)