CasatsSit Toponimia occitana (Cazats en francés) es ua comuna gascona de Vasadés administrada pr'eu departament de Gironda de la region de Navèra Aquitània, ancianament d'Aquitània.
Geografia vignette|upright=1.8|centre|Comunas a l'entorn.
Perimètre deu territòri
Toponimia I aurè pas de fòrmas ancianas, segon Bénédicte Boyrie-Fénié Bénédicte Boyrie-Fénié, Dictionnaire toponymique des communes, Gironde, ed. CAIRN, Pau, 2008, p. 113, çò que facilita pas l'explicacion del nom.
Dauzat e Rostaing supausan, damb un punt d'interrogacion, un crosament énter casales e casellos ---> casets (gascon)Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud,reedicion 1984, p. 158. Per Ernèst Negre (segon la citacion de B. Boyrie-Fénié), lo nom deriva deu gascon cas(a), damb lo sufixe diminutiu -at, e lo sens serè ostaus petits. Bénédicte Boyrie-Fénié accèpta, com Ernèst Negre, un sufixe collectiu -atu(m), mès damb lo sens d'agropament, coma dens bordalat, puslèu que damb una valor diminutiva .
Un detalh tira l'atencion pr'aquò : la preséncia de la finala -ats, coma dens plan de vilas e vilatges de Gironda e especialament deu Vasadés, interpretada per Miquèu Audoièr, après la publicacion deu libe de Bénédicte Boyrie-Fénié, coma -ac au plurau, damb valor collectiva Miquèu Audoièr, Ua solucion unica a un problèma doble : lo grop -ts, fonetica istorica e toponimia, País Gascons n°269, pp. 8-9, Ortès, Noveme-Deceme 2013. Lo nom ancian serè lavetz *Casac, e la confusion énter los casacs (los abitants de *Casac, prononciat casats) e lo nom deu vilatge se serè installada au cap d'un moment, coma dens los cas semblables. L'existéncia d'un Casac (Nauta Garona) es un indici favorable per una tala explicacion. Pr'aquò, una finala en -at au plurau dona exactament lo medish resultat -ats. Puèi que l'associacion d'un nom comun damb lo sufixe -acu(m) es pas impossibla, lo radicau pòt demorar casa (Casius, citat per explicar Quesac (Losera) e Chézy, aurè donat normalament *Caisac e pas *Casac), mès un nom de persona, com los noms d'òmes gallés Cadus o Catius (Delamarre cita Catios e tanben la soca cad(i)- Xavier Delamarre, Noms de lieux celtiques de l'Europe ancienne, ed. Errance, 2012, p. 291 e 95), fòrmas latinizadas, serén a preferir.
Istòria
Administracion Pr'amor de la demission deu cònse màger Guy Vial, elegit en març de 2008, eleccions navèras auguren lòc lo 6 de setembre de 2009. Lo medish conselh municipau, tornat elegit, nommèt cònse Stéphane Gougeon.
Avant la refòrma cantonala de 2014, aplicada en 2015, la comuna èra deu canton de Vasats; es adara deu canton deu Sud Gironda.
Demografia
Lòcs e monuments
Personalitats ligadas damb la comuna
Véser tanben Comunas de Gironda
Ligams extèrnes
Nòtas
Categoria:Comuna de Vasadés Categoria:Comuna de Gironda Categoria:Comuna de Gasconha Categoria:Comuna d'Aquitània (Occitània)