Los mollusques (Mollusca, del latin molluscus, "mòl") forman un dels grands embrancament del règne animal. Son d'invertebrats protostòm celomats, triblastics amb simetria bilaterala (e mai se qualqu'uns pòdon aver una asimetría segondària) e pas segmentats, de còs mòl, nus o protegit per una clòsca. Los mollusques son los invertebrats mai nombroses après los artropòdes, e incluson de formas tan conegudas coma las ustras, los calamars, los pofres, las limaucas e una granda diversitat de formas, tant marinas coma terrèstras.
Se calcula que pòt existir apròp 100.000 espècias viventas, e 35.000 espècias extintas, doncas que los mollusques an una longa istòria geologica, que se remonta al Precambrian fins al recent. Los mollusques colonizan practicament totes los mitans naturals, dempuèi las grandas nautors a mai de 3.000 m en dessús del nivèl de la mar fins a de prigondors oceanicas de mai de 5.000 m de prigondor, dins las aigas polaras o tropicalas e son d'elements comuns dels litorals del mond entièr.
Son d'animals de còs mòl (devesits en cap, massa viscerala e pè) amb tres caracteristicas unicas dins lo règne animal que s'identifican per:
Un pè muscular. Una clòsca calcària secretada per un integument sosjacent sonat saile, de còps que i a absent. Un organ d'alimentacion apelat radula (format de de filas de dents quitinosas corbas).
L'interès de l'òme pels mollusques es enòrme. Los mollusques son una importanta font d'alimentacion per l'espècia umana. En mai, de nombrosas malautiás parasitàrias tant umanas coma veterinarias son transmesas pels mollusques, qu'agisson coma òste intermediari, mai que mai de platelmints trematodes.
Classificacion thumb|Flabellina iodinea Lo phylum Mollusca foguèt creat per Georges Cuvier (1769-1832) en 1795.
Segon MolluscaBase, i a a l'ora d'ara nòu classas de mollusques +Classaautre(s) nom(s)nombre d'espèciasBivalvia Linnaeus, 1758Acephala Cuvier, 1817; Lamellibranchiata Blainville, 1824; Pelecypoda Goldfuss, 182011047Caudofoveata C. R. Boettger, 1956Chaetodermomorpha Pelseneer, 1905141Cephalopoda Cuvier, 1795Siphonopoda Lankester, 1877 (NON G. O. Sars, 1878)829Gastropoda Cuvier, 1795Univalvia Röding, 179856621Monoplacophora Odhner, 1940Tryblidiida Wenz, 1938; Galeroconcha Salvini-Plawen, 198031Polyplacophora Gray, 1821Placophora Ihering, 1876; Loricata Schumacher, 18171041Scaphopoda Bronn, 1862Solenoconcha606Solenogastres Gegenbaur, 1878Neomeniomorpha Pelseneer, 1906283Rostroconchia Cox, 1960 †Ø274 Mollusca incertae sedis * Categoria:Animal