vignette|Joan Pèire Laval (a esquèrra), president e fondator de l'associacion País Nòstre, còsta Clara Daugé (a dreta), devenguda copresidenta de Occitània País Nòstre lo 5 de decembre de 2021 (Narbona, Lengadòc) País Nòstre es una associacion segon la lei de 1901 nascuda en Lengadòc, que sa tòca es de desvolopar una pensada politica en Occitània. Son president e fondador n'es Joan Pèire Laval.
Istòria Dempuèi 2009, l'associacion se questiona per poder separar sas doas activitats, d'un latz l'activitat ciutadana e de l'autre l'activitat de preséncia politica a las eleccions.
Aquel meteis an, País Nòstre a començat un trabalh politic ciutadan sus Tolosa, aprèp lo Bas Lengadòc.
País Nòstre se presentèt a las eleccions mantes còps en Lengadòc (a Narbona e a Besièrs), e tanben a las eleccions regionalas de 2004 en Lengadòc-Rosselhon, sus la lista « Les Régionalistes » menada per Christian Lacour.
En 2013 te participa a la platafòrma pan-occitanista Bastir! qu'aviá per tòca de labelizar candidaturas a las eleccions municipalas de 2014.
Occitània País Nòstre vignette|Logo de Occitània País Nòstre. Au mes de novembre de 2019, l'associacion lengadociana s'es sarrada de Bastir Occitània que recampava a n'aqueste moment los demorats actius de Bastir!. Aital es nascuda en parallèla una associacion occitanista mai larga, Occitània País Nòstrehttps://www.midilibre.fr/2019/11/20/je-veux-la-lnmp-joan-peire-laval-et-jean-luc-davezac-un-projet-davenir-pour-le-pays-occitan,8551529.php.
Occitània País Nòstre te labellizèt alavetz gaireben un cinquantenat de listas a las eleccions municipalas de 2020https://www.ladepeche.fr/2020/03/10/les-occitanistes-dans-la-bataille-du-capitole,8786733.php.
A las eleccions regionalas de 2021, Occitània País Nòstre sostenguèt en Occitània centrala la lista regionalista Bastir Occitània menada per Joan Luc Davezac.
Lo 5 de decembre de 2021, Clara Daugé e Stéphane Albert''' son estats elegits copresidents de Occitània País Nòstrehttps://lejournaldugers.fr/article/54886-communique-d-occitanie-pais-nostre.
Vejatz tanben Bastir Occitània Occitània País Nòstre
Ligams extèrnes= País Nòstre Occitània País Nòstre
Categoria:Associacion occitana Categoria:Occitanisme