Douro (en portugués) o Duero (en espanhòl) es lo flume màger del nòrd-oèst de la peninsula Iberica. Nais sul versant del pic d'Urbión, a 2160 m. s.n.m., travèrsa lo planòl de Castelha e Leon, entra en Portugal ont desboca dins l'ocean Atlantic, prèp de Porto. Ten una longor de mai de , que 212 son navegables dins lo territòri portugués e 112 a caractèr internacional.
Reculhís las aigas de la part nòrd de Meseta. Son bacin es limitat pels monts Cantabrics al nòrd, pel sistèma Central al sud e per la cadena Iberica a l'èst. Los afluents mai importants en territòri espanhòl son Pisuerga, Esla, Tera, Valderaduey e Tormes; en Portugal recep Côa, Tua, Sabor, Corgo, Tavora,Tâmega, Balsemão e Sousa.
Entre las ciutats banhadas per Douro cal notar: Sòria, Almazán, Aranda de Douro, Tordesillas e Zamora (en Espanha), e Miranda do Douro (en lenga mirandesa: Miranda d'I Douro), Foz-Coa, Pesi da Régua Lamego, Vila Nòva de Gaia e Porto (en Portugal). L'UNESCO designèt lo 14 de decembre de 2001 la region viticòla de l'Aut Douro (45° 68' N, 5° 93' O) Patrimòni Mondial de l'Umanitat, dins la categoria païsatge cultural.
Galariá
Referéncias Categoria:Aiga d'Espanha Categoria:Aiga de Portugal