Esquiròl (Esquirol en francés) es una estacion de la linha A del mètro de Tolosa. Es situada sus la plaça Esquiròl, dins lo quartièr omonim, en plen centre-vila de Tolosa.
Situacion sul malhum Esquiròl es situada sus la linha A del mètro de Tolosa, entre las estacions Sant Çubran Republica a l'oèst, e Capitòli al nòrd.
Istòria L'estacion es mesa en servici lo 26 de junh de 1993, a l'encòp que la linha A.
Son nom ven del plaça e quartièr ont l'estacion es situada, dont lo nom es eissit del psiquiatre Joan Estève Esquiròl, nascut a Tolosa en 1772.
Essent fòrça prèpa de l'estacion Carmes de la linha B, un corredor de correspondéncia entre aquestas doas estacions foguèt considerat.
Servicis als viatjaires
Accès e acuèlh L'estacion es accessible dempuèi la plaça Esquiròl, al nivèl del crosament ambe la carrièra de Metz e la carrièra dels Cambis, a proximitat del Pont Nau. A doas intradas, situadas cara a cara lo long de la plaça, ambe caduna un escalièr e un escalièr mecanic, mas tanben una intrada per ascensor a l'angle de la carrièra dels Cambis.
L'estacion es equipada d'un grand cai central a dotze pòrtas permetent de recebre de ramas de 52 m de quatre veituras.
Dessèrta Coma dins l'ensemble del mètro tolosenc, la primièra partença dels caps de linha es a 5h15, e la darrièra es a 0h del dimenge al dijòus, e 3h lo divendres e dissabte.
Intermodalitat L'estacion es en correspondéncia ambe las linhas de bus Tisséo L7, L9, 12, 14, 44 e lo Noctambus ; e tanben ambe las linhas d'autocarris regionals 318, 319, 358, 359, 361, 364 e 380.
Arquitectura L'estacion foguèt concebut pel cabinet d'arquitèctes tolosenc Séquences.
L'òbra d'art integrada a l'estacion se compausa d'un pilar conic en metal e d'una intervencion sus la paret èst. Aquela òbra foguèt realizada per François Bouillon.
A l'entorn
Cambra de Comèrci e d'Industria de Tolosa Escòla Superiora de las Bèlas Arts de Tolosa Ostal dels Assezat, abrigant la Fondacion Bemberg e l'Union de las acadèmias e societats sabentas Musèu dels Agustins Pont Nòu de Tolosa Estacions de velò VélôToulouse n° 10 (Place-Esquirol) e n° 25 (Place-Rouaix)
Nòtas e referéncias
Vejatz tanben
Articles ligats
Mètro de Tolosa Linha A del mètro de Tolosa Transpòrts en comun de Tolosa
Ligams extèrnes
Presentacion de l'estacion d'Esquiròl e de son òbra d'art per Tisséo Presentacion de l'estacion Esquiròl per Séquences Architectes site sus l'occitan dins lo Mètro de Tolosa
Categoria:Linha A del mètro de Tolosa