Joan Vesòla (Jean Vezole) foguèt un escrivan auvernhat nascut en 1923 a Sant Sarnin (Cantal), e mòrt lo 27 de novembre de 2014 a Eitrac (Cantal). Ancian institutor, publiquèt tres recuelhs de contes, e nombroses obratges e articles istorics e fililogics. Foguèt president de l'I.E.O. de Cantal a partir de 1983, puèi president d'onor.
Biografia Filh de païsans de Sant Sarnin, sa lenga mairala foguèt l'occitan; aprenguèt lo francés pas qu'a l'escòla. Dintrèt a l'Escòla normala d'Orlhac en octobre de 1939. En 1943, refractari al STO, s'amaguèt al campèstre jos una faussa identitat. Las vint darrièras annadas de sa carrièra d'institutor se passèran al Roget.
Bibliografia Contes e racontes Contes mai qu'a meitat vertadiers, I.E.O. Cantal, Orlhac, 1985. Contes pas tròp messorguièrs, Ostal del libre, 1996. Racontes per gardar la santat, Ostal del libre, 2005.
Istòria Lo Vielh Orlhac, les Racines Occitanes d'Aurillac, Ostal del Libre, 2005
Filologia Le moyen occitan cantalien. 68 actes notariés des XIV, XV et XVI siècles en langue d'oc avec notes et lexique. Lo Convise, 2005 [Documents reculhits als Archius Departamentals del Cantal] Collaboracion a de revistas Revue de la Haute-Auvergne, la Cabreta, Vai-i-qu'as paur, Monde en òc. Articles , Revue de la Haute-Auvergne, 2002, vol. 64, pp. 219-224
Ligams extèrnes Un conte dit per Joan Vesòla a You Tube
Contes pas tròp messorguiers de Joan Vesòla, legits per l'autor (?? partida)
Contes pas tròp messorguiers de Joan Vesòla, legits per l'autor (quatrena partida)
Referéncias
Categoria:Literatura occitana Categoria:Escrivan auvernhat Categoria:Literatura occitana d'Auvèrnhe Categoria:Naissença en 1923 Categoria:Decès en 2014