La catedrala de Sant Estève (tanben se ditz Sent Estiéne en lemosinYles Lavalade, Dictionnaire Topologique de la Haute-Vienne. Ed. Lucien Souny, 2000) es la principala glèisa de Limòtges e lo sèti de son evescat. Se tròba al còr del quartièr vièlh de la ciutat. Es la bastissa pus remarcabla de Limòtges e la sola de Lemosin que siá estada construcha en estil gotic omogenèu.
Construccion Sa construccion, començada en 1273, acabèt en 1888 amb lo restacament del cloquièr d'origina romanica a la nau. La construccion comencèt pel còr caracteristic del gotic radiant del sègle XIII que foguèt restacat a la nau romanica. Las òbras s'interrompèron un primièr còp en 1327 per la manca d'argent. En 1378, s'elevèron la capèla de Sant Marçal e una part del transèpte nòrd, e se refortiguèt lo cloquièr romanic per una maçonariá considerabla; qualques ans pus tard, foguèt lo torn del transèpte sud. Entre 1458 e 1499, après la Guèrra de Cent Ans, foguèron bastidas las doas primièras travadas de la nau. Entre 1516 e 1541, Joan de Lanjac faguèt bastir lo transèpte e lo portal de Sant Joan, òbra mèstra lemosina del gotic flamejant. Mas la construccion se repausèt amb la mòrt de l'evesque e las tres travadas de la nau que religan la glèisa al cloquièr de la catedrala romanica foguèron elavadas a la fin del sègle XIX.
Arquitectura La catedrala embarra doas òbras de la Renaissença d'una granda qualitat: un balet comandat per l'evesque Joan de Lanjac, e la tomba d'aquel evesque ont son escultadas de scènas de l'Apocalipsi inspiradas d'Albrecht Dürer.
Los murs de la cripta romana, barrada al public, possedisson de bèlas frescas representant lo Crist en glòria.
Qualques unas de las pinturas medievalas son encara visiblas dins d'unas capèlas radiantas (en representant sensiblament d'àngels musicians) mas la quasi totalitat presentan de frescas del sègle XIX.
Los òrgues La catedrala de Limòtges possedís dos òrgues: l'òrgue grand Gonzalez foguèt inaugurat en 1963Limòtges, Cctedrala de Sant Estève (Grand òrgue) e l'òrgue de còr data de 1850.
La sason musicala estivala Cada estiu, s'i organizan de concerts d'òrgue per metre en relèu l'òrgue grand.
Galariá
Extrachs de la visita virtuala de la Catedrala dins lo site Limoges 360°Limòtes 360º: visita virtuala de Limòtges - catedrala de Sant Estève - fotografias panoramicas per Vincent Ogloblinsky :
Fichièr:Interieur de la cathedrale 1.jpg Fichièr:Interieur de la cathedrale saint etienne 2.jpg
Nòtas e referéncias
Categoria:Monument de Nauta Vinhana Categoria:Catedrala de Lemosin Categoria:Limòtges