Ubuntu es un sistèma operatiu liure GNU/Linux sostengut per la Fondacion Ubuntu e la societat Canonical.
Presentacion
Mot banto Ubuntu es un mot banto que cuèrb un concèpte fòrça general, intradusible en occitan. D'unes traduson lo mot per: « umanitat pels autres ».
I a una definicion comuna que nos balha lo sens la qualitat inerenta al fach d'èsser una persona amb d'autras personas. Doncas Ubuntu significa : « soi çò que soi perque sètz çò que sètz » o encara : « soi çò que soi gràcias a çò que sèm totes » (traduccion de : "I am what I am because of who we all are").
Istòria Le tèrme ubuntu es ligat a l'apartheid en Africa del Sud. En 1995, la Comission vertat e reconciliacion dirigida per Desmond Tutu se donèt per objectiu d'amnistiar individualament los autors de violacions dels Dreches de l'Òme. En cambi, aqueles s'engatgèron a revelar totas lors accions. La procedura fa resson a la Constitucion de 1993, qu'enóncia lo « besonh d'ubuntu e non pas de victimizacion ».
Distribucion Linux Ubuntu Linux foguèt causit coma nom per una distribucion de Linux, començada pel sud-african Mark Shuttleworth e basada sus la populara distribucion Debian. Son nom complèt es Ubuntu Linux.
Sortisson doas versions per an, en abril e en octòbre. Cada doas an sortís una version amb una assisténcia longa e de mesas a jorn de seguretat garantida per mai longtemps. La darrièra sortiguèt en abril de 2026 : Ubuntu 26.04 Resolute Raccoon.
Es possible d'ajudar a traduire Ubuntu en occitan : https://translations.launchpad.net/ubuntu/stonking/+lang/oc.
Ligams extèrnes Site oficial Site oficial en francés D'unas explicacions en occitan
Categoria:Informatica Categoria:LiveCD Categoria:Distribucion Linux Categoria:Debian