Lei Salas de Verdon (Les Salles-sur-Verdon en francés) es una comuna rurala provençala situada dins lo nòrd dau departament de Var dins la region de Provença-Aups-Còsta d'Azur. Si situa a proximitat dei gòrgas de Verdon e dau lac de Santa Crotz. Li clima li es de tipe mediterranèu.
Lo territòri dau vilatge foguèt probable frequentat per de grops de caçaires-cuelheires durant lo Neolitic que de baumas ornadas son estadas descubèrtas dins lei comunas vesinas (mai que mai dins de baumas de Bèudinard). L'existéncia dau vilatge istoric es atestada a partir dau sègle XI. Situat dins un plan utilizat per circular dins la region, èra pas favorable a l'establiment de defensas fortificadas. Per aquela rason, lei Salas foguèron jamai lo luòc de residéncia d'un senhor important. L'istòria dau vilatge es ansin pauc agitada fins au còp d'Estat de 1851. La populacion, fidèla a la Republica, jonhèt lei rengs de l'insureccion republicana. Mai d'un abitant si portèt volontari per formar una armada a Aups. Pasmens, li foguèron atacats e dispersats per lo 50 regiment de linhaFrédéric Négrel, « décembre 1851 à Artignosc », Verdon, n° 1, estieu, 1999, pp. 82-83..
Après aquel episòdi, lo vilatge foguèt tornarmai suau fins ais ans 1970. D'efiech, la construccion dau barratge EDF a l'origina dau lac de Santa Crotz entraïnèt l'inondacion de l'abitant istoric e son evacuacion. Après negociacions, EDF e l'Estat acceptèron de tornar bastir un vilatge e leis abitants deguèron pauc a pauc quitar seis ostaus. En 1975, la glèisa foguèt dinamitada e lei darriereis ostaus foguèron rasats. Lei Salas foguèron alora tornadas bastir pus aut, dins lo vilatge actuau. La fònt e de lavadors foguèron sauvats en tot assegurar ansin una pichona continuitat.
Liames intèrnes
Lac de Santa Crotz.
Bibliografia
Nòtas e referéncias
Categoria:Comuna de Var Categoria:Comuna de Provença