+ Wangari Muta Maathai128pxProfession:activista politica e ecologistaPaís: Data de naissença:1èr d'abril de 1940Luòc de naissença:Nyieri, Kenya Data de decès:25 de setembre de 2011 Luòc de decès:Nairobi, Kenya
Wangari Muta Maathai (Nyieri, Kenya, 1èr d'abril de 1940 - Nairobi, Kenya, 25 de setembre de 2011) èra una activista politica e ecologista kenyana, de l'etnia kikuyu. En 2004 recebèt lo Prèmi Nobel de la Patz per . Foguèt la primièra femna africana que recebèt aquel titre. La doctora Maathai èra membre elegida al parlament e ministra de l'environament e de las Ressorsas Naturalas dins lo govèrn presidit per Mwai Kibaki.
Activisme e vida politica En 1977, Maathai fondèt lo Green Belt Movement (o Movement de la Cencha Verda), una mena de lobby ecologista responsable de la plantacion de mai de 30 milions d'arbres per tot lo país per evitar l'erosion del sòl, e per melhorar la qualitat de vida de las femnas que los plantavan. Per aquò recebèt l'escais afectuós de Tree Woman (o Femna Arbre). Après venguèt una femna fòrça activa suls subjèctes environamentals e en favor de las femnas.
Lo 25 de setembre moriguèt a l'espital de Nairobi après una luta prolongada contra un càncer.
Prèmi Nobel de la Patz
, diguèt lo Comitat Nobel norvegian a la lectura de la proclamacion del prèmi Nobel de la Patz de 2004. .
Controvèrsia
Maathai faguèt controvèrsia dins los medias quand, dins la conferéncia de pressa que seguèt a l'anoncia del prèmi, suggeriguèt que lo virus VIH responsable del SIDA èra lo produch de l'engenhariá genetica e que mai tard foguèt liberat en Africa per d'investigadors occidentals non identificats coma una arma de destruccion massiva per . Pasmens, sonque una pichona minoritat aderiguèt a aquela teoria conspirativa del sida, qu'es pas l'unica. Dempuèi atenuèt la seuna postura.
Prèmis Li autrejèron los prèmis: 1984: Right Livelihood Award (o "Prèmi Nobel alternatiu") 1991: Prèmi Environamental Goldman 1991: Prèmi Africa 1993: Medalha Edimborg 2004: Prèmi Petra Kelly 2004: Prèmi Sophie 2004: Prèmi Nobel de la Patz
Bibliografia Wangari Maathai, Bottom is Heavy Too: Edinburgh Medal Lecture, Edinburgh University Press, Edimborg, 1994 Wangari Maathai, The Canopy of Hope: My Life Campaigning for Africa, Women, and the Environment, Lantern Books, Nòva York, 2002 Wangari Maathai, The Greenbelt Movement: Sharing the Approach and the Experience, Lantern Books, Nòva York, 2003
Referéncias
Ligams extèrnes Carrièra personala de Wangari Maathai Pagina de l'Institut Nobel, Premi Nobel de la Patz 2004 The Green Belt Movement
Categoria:Prèmis Nobel de la Patz Categoria:Naissença en 1940 Categoria:Decès en 2011