Francés Vairon (; en francés: François Bayrou ; Bordèras, Bearn, 25 de mai de 1951) qu'ei un òme d'Estat occitan de nacionalitat francesa, primèr ministre de França deu 13 de deceme de 2024 au 9 de seteme de 2025.
Professor agregat de letras classicas, qu'estó deputat deus Pirenèus Atlantics entre 1986 e 2012, president deu Conselh Departamental deus Pirenèus Atlantics de 1992 a 2001, deputat europèu de 1999 a 2002, e cònsol màger de Pau despuish 2014. Qu'ei tanben l'actuau president deu MoDem, e autescòps president de l'Union per la Democracia Francesa (UDF).
A l'eleccion presidenciau de 2007, qu'èra candidat, mes n'estó eliminat au primèr torn, en estar arribat totun a la tresau posicion dab 18,57 % de las votz. Arrond d'aquerò que transformè lo son partit, l'UDF, en un partit centrista navèth e alargat aperat lo Movement Democrata.
Estacat au Bearn qu'ei l'autor d'ua biografia deu Noste Enric, que parla occitan dens la soa varietat bearnesa e que s'ei exprimit mei d'un còp en favor deu desvolopament de la lenga occitana.
Foncions 30 de març de 1993–11 de mai de 1995: ministre de l'Educacion Nacionala 18 de mai de 1995–7 de noveme de 1995: ministre de l'Educacion nacionala, de l'Ensenhament Superior, de la Recèrca e de l'Insercion Professionala 07 de noveme de 1995–2 de junh de1997: ministre de l'Educacion Nacionala, de l'Ensenhament Superior e de la Recèrca. 17 de mai de 2017–19 de junh de 2017: ministre d'Estat, garda dels Sagèls, ministre de la Justícia.
Citacions
Òbras istoriograficas
Le roi libre, Flammarion, París, 1994. (ISBN 2-08-066821-8) Henri IV raconté par François Bayrou, Perrin jeunesse, París, 1998. (ISBN 2-262-01301-2) Ils portaient l'écharpe blanche : l'aventure des premiers réformés, des Guerres de religion à l'édit de Nantes, de la Révocation à la Révolution, Grasset, París, 1998. (ISBN 2-246-55981-2)
Referéncias
Categoria:Personalitat de la Cinquena Republica Categoria:Naissença en 1951 Categoria:Deputat dels Pirenèus Atlantics Categoria:Eurodeputat 1999-2004 Categoria:Ministre francés de l'Educacion nacionala Categoria:President de l'Union per la democracia francesa Categoria:Ancian president de conselh general Categoria:Conselhièr general dels Pirenèus Atlantics Categoria:Candidat a l'eleccion presidenciala francesa de 2002 Categoria:Candidat a l'eleccion presidenciala francesa de 2007 Categoria:Personalitat bearnesa Categoria:Personalitat del Movement Democrata Categoria:Candidat a una eleccion presidenciala francesa