Aurons (Aurons en francés) es una comuna provençala situada dins lo departament dei Bocas de Ròse e la region de Provença-Aups-Còsta d'Azur.
Situat dins lo massís dei Còstas a 6 km au nòrd-èst de Selon, es un vilatge rurau bastit a l'entorn d'un castelar. L'endrech es pauc mencionat dins lei tèxtes ancians e sembla pas d'aver agut un ròtle importanta dins l'istòria locala. Una pichona capèla dau sègle XII es un vestigi d'aqueu periòdeC. Heck, Archéologie médiévale - Tome V, Centre de recherches médiévales de Caen, 1975, p. 49.. En 1793, lo premier recensament enregistrèt 205 estatjants. Aquela populacion demorèt establa durant tot lo sègle XIX, mai l'exòde rurau entraïnèt un declin demografic durant la premiera mitat dau sègle XX. Pasmens, despuei leis ans 1950-1960, lo vilatge conoís una aumentacion regulara de sa populacion. Es unicament desservit per de rotas departamentalas, mai d'aisses de transpòrt importants se situan a proximitat (A7, A8, A54, camin de fèrre...).
Liames intèrnes
Massís dei Còstas
Bibliografia
Nòtas e referéncias
Categoria:Comuna dei Bocas de Ròse Categoria:Comuna de Provença