Anzèth

AnzèthBénédicte Boyrie-Fénié, Dictionnaire toponymique des communes, Lot-et-Garonne, ed. CAIRN e Institut Occitan, Pau, 2012, p. 49-50 (Anzex en francés) es ua comuna gascona d'Agenés situada dens lo departament d'Òut e Garona e la region de Navèra Aquitània, ancianament d'Aquitània.

Geografia vignette|upright=1.8|centre|Comunas a l'entorn.

Perimètre deu territòri

Toponimia Las fòrmas ancianas son : Anzet (ecclesia Sancte Christine d' ~), au sègle XIII, Anzex (parrochia d' ~), au sègle XIII, Ansces (parrochia d' ~), au sègle XIII, Anzex (capella de ~), en 1326, Danzeys (parrochia ~), en 1341. La prononciacion es [aŋ'zɛks] e mèi rarament [aŋ'zɛt], que deu estar la prononciacion d'origina, perqué [aŋ'zɛks] sembla influenciat per la fòrma grafica francesa [e [-ks] es una prononciacion modèrna en occitan, impossibla dens la lenga tradicionala]. Ernèst Negre, citat per B. Boyrie-Fénié, supausa que lo nom ven d'Anicetus, çò que donerè un -e- barrat, en contradiction damb la prononciacion -è-. La solucion sembla com per Anzat-le-Luguet, estar lo nom d'òme latin Anticius, mès aqueste còp damb lo sufixe diminutiu -ellum, que dona -èth en gascon. La bona grafia sembla d'estar Anzèth , recomandada per Bénédicte Boyrie-Fénié.

Vòu pas dire que Anzex sii una cacografia : es una temptativa d'escriure un ancian *Anzèths, foneticament [aŋ'zɛts], qu'èra probablament un collectiu (lo nom deus abitants sense utilizacion d'un sufixe), com n'i a tant dens la Gironda vesina Miquèu Audoièr, Ua solucion unica a un problèma doble : lo grop -ts, fonetica istorica e toponimia, País Gascons n°269, pp. 8-9, Ortès, Noveme-Deceme 2013. La grafia Anzex fossiliza atau un usatge ancian.

Corbian (fòrma probabla), lòc situat a 4 km au nòrd deu borg, anciana parròpia. Corbian ven d'un nom latin d'òme Corvius o Corbius, derivat deu cognomen Corbus, eth-medish derivat de corvus, « cròc », dab lo sufixe -anu(m). Per Corbiac, pr'amor de las fòrmas ancianas, Corbius es obligatòri, mès en Gasconha, lo betacisme es pro ancian per poder supausar eventualament Corvius Bénédicte Boyrie-Fénié, Dictionnaire toponymique des communes, Lot-et-Garonne, ed. CAIRN e Institut Occitan, Pau, 2012, p. 99, per CorbiacAlbert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 219, a Courbiac.

Istòria Anzèth èra de la ciutat deus Nitiobròges e après de la diocèsi d'Agen, çò que justifica de lo plaçar dens l'Agenés. Dempui lo 13 d'agost 1317 e d'aquí a la Revolucion, èra de la diocèsi de Condòm creada per Joan XXII. Èra a quauques km de la diocèsi de Vasats, que comença a Castèlgelós https://web.archive.org/web/20161115015531/http://gallica.bnf.fr/ark:/12148/btv1b77101733/f1.item.zoom. En 1793, la municipalitat èra « Villefranche, Anzex et Leyritz » (en francés), donc Vilafranca deu Cairan, Anzèth e Lairitz.

Administracion

Avant la refòrma cantonala de 2014, aplicada en 2015, la comuna èra deu canton de Castèlgelós; es adara deu canton de Les Forêts de Gascogne (en francés), donc Los Bòscs (las Ahorèsts ? las Seuvas ?) de Gasconha.

Demografia

I a pas de donadas en 1793 perqué Anzèth èra dens la municipalitat de Vilafranca deu Cairan

Lòcs e monuments

Personalitats ligadas damb la comuna

Véser tanben Comunas d'Òut e Garona Ligams extèrnes

Nòtas

Categoria:Comuna d'Agenés Categoria:Comuna de Gasconha Categoria:Comuna d'Òlt e Garona