Jean-Marie Le Pen (nascut lo 20 de junh de 1928, mòrt lo 7 de genièr de 2025) foguèt un òme politic francés d'extrèma drecha. Foguèt elegit deputat pojadista en 1956; tornamai elegit deputat en 1958, s'aluenhèt pasmens del pojadisme per al cap de qualquas annadas se sarrar encara mai cap a l'extrèma drecha en participant a la fondacion del Front Nacional, que ne foguèt son president de 1972 fins a 2011. Se presentèt a las eleccions presidencialas en 1974, 1988, 1995, 2002, e 2007. En 2002 arribèt al segond torn de las eleccions presidencialas. En 2007, cabussèt a la quatrena plaça a las eleccions presidencialas (10%). Es lo paire de Marion dicha Marine Le Pen e lo pepin de Marion Maréchal.
Sas tematicas principalas son lo regèt de l'immigracion, lo nacionalisme e l'anticomunisme.
Es estat orfanin e pupil de la nacion après la mòrt de son paire, marin pescador breton tuat per una mina en nauta mar en 1942. De formacion juridica, es estat paracasudista. Del temps qu’èra deputat, faguèt pression per participar a la guèrra d’Argeria, mas demorèt gaire alai, combatèt pas mas torturèt de presonièrs,Fabrice Riceputi. Le Pen et la Torture. París: le Passager clandestin, 2024. e mai o confessèt mai tard.“Le Monde rappelle qu'au sortir de la guerre, en 1962, Jean-Marie Le Pen reconnaissait : "Nous avons torturé en Algérie parce qu'il fallait le faire".” "Dans ses mémoires, Jean-Marie Le Pen s'exprime sur la torture en Algérie", en linha.
Le Pen es estat mantun còp a l'origina de polemicas e de procès pr'amor, entre autras causas, d'aver ensajat de minimizar l'Olocaust. Entre sas declaracions mai polemicas i aguèt lo jòc de mot Durafour crematòri contra un adversari sonat Durafour, lo vejaire de que lo genocidi dels jusieus non seriá estat qu'un "detalh" de la Segonda Guèrra Mondiala.
Referéncias
Categoria:Naissença en 1928 Categoria:Decès en 2025 Categoria:Personalitat de la Cinquena Republica Categoria:Personalitat del Front Nacional (partit francés) Categoria:Nacionalista francés Categoria:Personalitat del Centre Nacional dels Independents e Païsans Categoria:Sindicalista estudiant francés Categoria:Oficièr de la Legion Estrangièra Categoria:Eurodeputat 1984-1989 Categoria:Eurodeputat 1989-1994 Categoria:Eurodeputat 1994-1999 Categoria:Eurodeputat 1999-2004 Categoria:Eurodeputat 2004-2009 Categoria:Candidat a l'eleccion presidenciala francesa de 1974 Categoria:Candidat a l'eleccion presidenciala francesa de 1988 Categoria:Candidat a l'eleccion presidenciala francesa de 1995 Categoria:Candidat a l'eleccion presidenciala francesa de 2002 Categoria:Ancian deputat de la Cinquena Republica Categoria:Deputat de la Quatrena Republica Francesa Categoria:Antisemitisme en França Categoria:Candidat a l'eleccion presidenciala francesa de 2007 Categoria:Candidat a una eleccion presidenciala francesa Categoria:Extrèma drecha francesa Categoria:Personalitat politica francesa