Beurièras (Beaurières en francés) es una comuna occitana de Daufinat situaa dins lo departament de Droma e la region d'Auvèrnhe-Ròse-Aups, ancianament de Ròse-Aups.
Geografia
Pichona municipalitat de la Droma situaa au fons d'una vau e traversaa per la rota dau còl de Cabre que religa Valença e Diá als Auts Aups e au Briançonés cap a Itàlia, Beurièras compta pas que 90 abitants permanents, gaire mai l'estiu, per una superfícia de 2 458 ectaras. Dos rius se renjonhon en avau dau vilatge. Lo Maravel, que ven de Forcinet, e Chaurana qu'a sa font près dau còl de Cabre.
Lo relèu d'aquela municipalitat a accidentat, e compta mai de pendas que de planas. Presat dels caçaires , dels passejaires, son territòri vast e vèrge es son punt fòrt.
Comunas vesinas 400px|left|Distanças e posicion relativa
Toponimia
Atestacions istoricas Las atestacions istoricas son Beurerias (1280), Beureria (Sègle XIV), capella de Beureriis (1449), ecclesia Beati Petri de Beureriis (1509), Beureriis (1516), cura de Beurreriis (Sègle XIV), Beurières (1544), Beaurières (1576)J.Brun-Durand, Dictionnaire topographique du département de la Drôme, Paris, Imprimerie nationale, 1891, p.30, https://gallica.bnf.fr/ark:/12148/bpt6k392934/f116.item.
Atestacions occitanas Lo nom de la comuna es estat ortografiat per F.Mistral en nòrma mistralenca BéurieroF.Mistral, Lou Tresor dóu Felibrige, T.1, A-F, Marcel Petit C.P.M., 1979, p.281, https://gallica.bnf.fr/ark:/12148/bpt6k74854/f288.item. H.Schook a mostrat una incertitud fòrta dins l'ortografa dau nom de la comuna, embe 3 fòrmas diferentas: BeurièrasRevista Lo Pitron, No.54, Ed. Lou Pitrou, 1991, p.3 e 4, BèurèirasRevista Lo Pitron, No.57 Ed. Lou Pitrou, 1992, p.4 e BourièirasH.Schook, Lo Tresaur dau Dioàs, 3e tirage, Edicions Lo Pitron, 2012, p.29.
Etimologia Segon JC.Bouvier, seriá possible que lo nom de la comuna vendriá de l'oïl beuruère, que vau dire bruièira. L'aparicion dins lo nom francés de beau seriá lo fruch d'una re-interpretacion au moment de la francizacion dau nom de la comunaJC.Bouvier, Noms de lieux du Dauphiné, Bonneton, 2002, p.182. Segon J.Astor, los noms de comuna Beurièras en Droma e Beurieras au Puèi de Doma derivarián de l'ancian occitan beure/bevre per lo vibre, embe per significacion "luòc frequentat per los vibres"J.Astor, Dictionnaire des noms de familles et noms de lieux du Midi de la France, Éditions du Beffroi, 2002, page 133..
Realizacion fonetica e toponim occitan La prononciacion locala dau nom de la comuna es [bewˈʀjɛʀɔ].
Istòria
Administracion
Demografia
Luecs e monuments
Personalitats liaas embe la comuna
Veire tanben Comunas de Droma
Liames externes
Nòtas e referéncias
Categoria:Comuna de Droma Categoria:Comuna de Diés