Gòrbs (Gouò en grafia mistralenca, prononciat ò en gorbarin ; en francés Gorbio) es una comuna occitana mentonasca dau Comtat de Niça, situaa dins o departament das Aups Maritims e a region de Provença-Aups-Còsta d'Azur.
Geografia Gòrbs es un pichin vilatge sobre de Menton e Rocabruna. Es traversat de part en part p'o Rai, torrent que pilha a sieu fuònt a Pelha, e que, calant de Gòrbs traversa Ròcabruna e Menton, denant de se gitar dins a marina Mediterranèa.
Istòria
Gòrbs es poblat despí a fin d'a preïstòria, coma o testifican o produch d'escavamentes s'un luèc situat bèn sobr'o vilatge actual, e as multiplas sostas sota ròca damé muralhas ciclopeanas repartias sus de l'ensems d'a comuna. As objèctes das registres son expausats au musèu d'a preistòria de Menton : uòsses d'umans e d'animales, tròces de terralhas....
O vilatge se desplaçerà s'o sieu luèc actual sota a forma d'a comandaria templièra d'Agerbol, bastia sota o comte Ottone II de Ventimilha segon l'archiu d'a catedrala de Ventimilha.
Se tròba una premièra mencion dau vilatge sota o nom de « Golbi » en 1157. Apareisse sota o sieu nom actual en 1301.
Fèu das comtes de Ventimilha (sègle XII e sègle XIII), o vilatge es una proprietat das comtes de Provença entre 1257 e 1285, per tornar sempre aas comtes de Ventimilha, as sieu eretièrs, a familha Lascaris. Aas sècolos XVII e XVIII, quarquas autras familhas, coma as Isnardi, as de Gubernatis, as Raimondi, de contunh as Corvesi, as Alziari de Malàussena, as Guigliotti i an o sieu torn d'aas partes de distincion.
Tra 1400 e 1580, as familhas Basen, Imbert, Maulandi, Muratore, Pastor, Raimondi e Rocca estàn au vilatge. As Dental de Peillon, as Giausseran de Villefranche, as Lottier de Pelha e as Vial d'a Mortola s'i installèron au sècolo XVII.
Despí 1388, o comtat de Niça apartèn aas comtes de Savòia. Gòrbs seguèt alora a destinaa dau comtat de Niça e se liguèt aa França en 1860 après un plebiscite que donèt a Gòrbi : 26 « pas » al restacament e 59 « òc ».
En 1793, Anna Maria Lantideri se distinguèt dins a resisténcia cuòntra as fòrças d'ocupacion francesas revolucionàrias, resisténcia qu'avia coma nom Barbetisme.
Au musèu dau Risorgimento de Turin, se tròba de traças d'un Alessandro de Gubernatis, de Gòrbs, sergent d'a brigada Pineròl, que a tèsta siguèt metua a prètz per Carbonarisme e siguèt executat o 14 de junh de 1833 a Chamberí da a decision dau rei de Piemont-Sardenha.
A a fin dau sècolo XIX, o vilatge aprofiechèt dau desvolopament dau torisme a Menton.
Administracion
Demografia
2016 : 1468 Luècs e monuments
Personalitats ligaas dam'a comuna
Veire tanben Comunas das Alpes Maritimes
Ligames extèrnes
Nòtas e referéncias
Categoria:Comuna dau Comtat de Niça Categoria:Comuna dei Aups Maritims Categoria:Comuna de Provença