thumb|250px|Achal Prabhala al Wikimania 2009 Achal Prabhala es un escrivan, activista e cercaire indian que viu actualament a Bangalòre, Karnataka. Es conegut mai que mai per son trabalh suls dreches de proprietat intellectuala dins los domenis de la medecina e del saber. A mai es membre del conselh d'administracion del Centre per Internet e la Societat (en anglés: Centre for Internet and Society) e de l' Advisory board de la Fondacion Wikimedia.
Biografia
thumb|right|250px|Projeccion del film d'Achal Prabhala a la Fondacion Wikimedia
Achal Prabhala, escrivan e cercaire Achal Prabhala es un escrivan indian que demòra actualament a Bangalòre. Demest sas divèrsas publicacions, a escrich un ensag "Yeoville confidential" que foguèt publicat dins Johannesburg: Elusive Metropolis, una òbra collectiva famosa, entre divèrses escrivans e artistas coneguts d'Africa del Sud o d'autres païses, coma per exemple Achille Mbembe. Tanben a publicat mantun article dins Outlook , una de las revistas mai popularas en Índia [ http://books.google.com/books?id=izEEAAAAMBAJ&pg=PT41&dq=%22Achal+Prabhala%22+Outlook&hl=ca&ei=rg7ETv6oIsnChAfP7LmCDg&sa=X&oi=book_result&ct=result&resnum=3&ved=0CDcQ6AEwAg#v=onepage&q&f=false]. En 2010, foguèt coautor del libre Access to knowledge in Africa ("Accès a la coneissença en Africa") amb divèrses expèrts d'aquest domeni .
A mai Achal Prabhala trabalha coma cercaire critic sus la proprietat intellectual dins los domenis de la medecina e de la coneissença. Entre 2004 e 2006 foguèt lo coordenador d'una campanha per tal d'ofrir l'accès a de material educatiu en Africa del Sud. Fa tanben de recerca sus la question de l'IPR amassa amb lo Forum de Lei Alternativa en Índia.
En 2007, Prabhala e d'autres activistas faguèron public lo rapòrt del Comitat Mashelkar que donava supòrt a l'indústria internacionala pharma amb sas recomandacions. Afirmèron alara que, pr'amor de complaire a aquela indústria internacionala, lo comitat aviá copiat mot aprèp mot una part d'un rapòrt qu'èra estat elaborat per Shamnad Basheer, qu'aviá rebut son finançament d'un consòrci de firmas multinacionalas. En seguida d'aquesta divulgacion e de l'acusacion de plagiat, Raghunath Anant Mashelkar, lo Director General en aquel temps del Conselh de Recerca Scientifica e Industriala (CSIR), demandèt al govèrn de suprimir aquel rapòrt qu'èra estat redigit per un grop qu'el meteis aviá dirigit
L'implicacion de Prabhala a l'endedins del movement wikipedian A mai de sas activitats d'escrivan e de cercaire, Prabhala es conegut encara mai al sen del movement wikipedian per son ròtle dins lo Conselh d'Administracion de la Fondacion Wikimèdia d'ençà el 2005. Amb Priya Sen e Zen Marie, Prabhala realizèt recentament lo film People are Knowledge. Aqueste film, que foguèt finançat en granda part gràcias a una ajuda de 20.000 dolars de la Fondacion Wikimçdia, se faguèt dins l'encastre d'un projècte de recerca que voliá trobar de metòdes novèls per far de citacions dins la Wikipèdia.
Referéncias
Òbras Access to knowledge in Africa (2010) écrit avec C. Armstrong, J. De Beer, D. Kawooya and T. Schonwetter. Ligams extèrnes The Road To Wellville d'Achal Prabhala Outlook India: Achal Prabhala The Times of India : Patent Wrong Battling HIV/AIDS – A Decision Maker's Guide to the Procurement of Medicines and Related Supplies Intellectual Property, Education and Access to Knowledge dans Southern Africa, Response to Indian Copyright Law Amendment "Reconsidering the Pirate Nation: Notes from South Africa and India" Per Lawrence Liang e Achal Prabhala] Tehelka: Indian Patents: Doing Just Fine : In the wake of the Madras High Court’s landmark ruling on Novartis, CHAN PARK and ACHAL PRABHALA disentangle some key myths around patent law
Categoria:Escrivan indian