Giuseppe Morosi (Milan, febrièr de 1844 - Milan, 22 de febrièr de 1891) foguèt un lingüistaGiuseppe Morosi Glottologo lombard qu'estudièt prigondament las varietats dialectalas del sud d'Itàlia. Foguèt tanben un dels primièrs a descriure l’occitan cisalpin (parlat en Piemont mas tanben a La Gàrdia e dins lo Vurtembèrg). S'interessèt tanben al catalan de l’Alguer e a las varietats francoprovençalas de Faeto e Celle.
Biografia Nasquèt a Milan en 1844. Estudièt a l'Universitat de Pàvia abans de venir professor dins un licèu a Lecce en 1868. Passèt un concors en 1870 que li permetèt de se titularizar e d'ensenhar coma professor al licèu Vittorio Emmanuelle a Nàpols.Antiche migrazioni: I Greci di Calabria
Foguèt durant son temps a Lecce que s’interessèt als parlars e dialèctes del sud de l’Itàlia e en 1870 publiquèt un estudi suls parlars grècs del país de Lecce.Origine dei Greci nel Salento, Le prefiche salentine
Morosi tornèt a Milan en 1875 per far de professor dins l’Acadèmia scientifico-literària e i demorèt fins a 1879. Puèi dintrèt a l’Institut Superior de Florença fins a 1887.
Un fons plan important de material inedit se tròba a la Bibliotèca Ambrosiana de Milan.
Òbras "L’odierno linguaggio dei valdesi del Piemonte", Archivio glottologico italiano, XI, Torino, Loescher, 1890 e XII, 1890-1892 L’odierno linguaggio dei valdesi del Piemonte, reedicion en un volum per l’IEO París, 2011, en linha Studi sui dialetti greci della Terra d’Otranto, 3 vol. (1868)
Referéncias
Categoria:Lingüista italian Categoria:Naissença a Milan Categoria:Naissença en Lombardia Categoria:Personalitat italiana del sègle XIX Categoria:Naissença en 1844 Categoria:Decès en 1891