Vorvic, Òrvic o enquèra Volvic (Volvic en francés) z-es una comuna occitana dau departament dau Puèi de Doma e la region de la region d'Auvèrnha-Ròse-Aups.
Pòrta d'entrada de la Linha daus Puèis, Vorvic z-es pròcha de la viala de Riòm e fai partida de sa comunautat d'aglomeracion. Fai maitot partida de l'aira d'atraccion de Clarmont-Ferrand.
La comuna z-es coneguda per son aiga minerala e per sa pèira d'origina volcanica utilizada dins le bastiment.
Los abitants son los Vorvinaires e las Vorvinairas. Son sobrenommats Los Sòcs Plats.
Geografia
Toponimia Las atestacions son Violascensis (Ve), Velovicum (VIIe), Vulvicum (762, 1016), Volvicum (1080), Vulviacum (1165) e Wulvicum (1165).
Dins le parlar de la comuna, se ditz [vurˈvji]Christiane Marsat-Marcin, Avec mes parents gérants d'alimentation à Pont-du-Château années 1960, 2020, p.12 : "Vourvï"., vèrs Sent Bonet de Riòm [ˈɔrvi], vèrs Chapdes Biaufòrt [vuʁlˈvjə] e mens localament au sègle XIX [vulˈvi]J-B Bouillet, Album Auvergnat, Molins, 1853, p.68 : "Voulevy"..
Istòria La promèira mencion de Vorvic datariá dau sègle V. Sent Prièit, evesque de Clarmont lai fuguèt assassinat e enterrat mentre le sègle VII.
Vorvic z-èra le chap-luòc de la vicomtat de Tornolh, chastèl mencionat au sègle X, possession dau comte d'Auvèrnha, confiscat per Felip II de França mentre le sètge de Tornolh en 1213.
En 1940, l'abat Annéser, curat de Boulange, se refugia dins la viala de Riòm e dins la viala de Vorvic en zòna libra embei a l'entorn de 900 de sos parrochians.
Le 1èir dau mes de març de 1944, la Gestapo se presentèt vèrs l'ostalariá dau Comèrci, sobre la Granda Charrèira, en cherchar de resistants que los proprietaris auberjavan regularament. Tres resistants poguèron fugir, mas un chap de la Gestapo fuguèt tuat, ce qu'entrainèt de terriblas represalhas : darsèt ostages fuguèron deportats e l'ostalariá borlada.
Administracion
Demografia
Luòcs e monuments Chastèl de Tornoèl
Personalitats liadas a la comuna Sant Damarin, martirizat a Volvic en 674. Victor Fonfreida
Veire tanben
Liams extèrnes
Nòtas e referéncias Nòtas
Referéncias
Categoria:Comuna d'Auvèrnhe (Occitània) Categoria:Comuna dau Puèi de Doma