Lo departament d'Òut e Garona (o Òlt e Garona, fòrma roergassa) es una division administrativa de l'estat francés complètament situada en Occitània. Fa partida de la region administrativa de Novèla Aquitània. Se partaja entre las regions istoricas d'Agenés (al nòrd de Garona ; Agenés essent una part de Guiana) e de Gasconha (al sud de Garona).
Lo capluèc es Agen. Las sos-prefecturas son Marmanda, Vilanuèva e Nerac. Còdes En 1792, Òut e Garona reçaup lo numèro postau 45 que gardarà fins au bot dau sègle XIX. En 1928, reçaup las letras JV, JX e JY coma còde per las immatriculacions de veïculs, mas sola JV serà utilizada. "Lot-et-Garonne" sul site Les immatriculations des années 1930-1940. En 1943, l’SNS (vengut INSEE en 1946) impausa lo còde geografic qu’atribuís lo 47 au departament. Aquela valor es represa en 1950 subre los veïculs e en 1964 per la Pòsta. Au nivèu internacionau, lo departament a lo còde ISO 3166-2 FR-47 e lo còde NUTS-3:2016 FRI14.
Istòria
Lo departament d’Òut e Garona se creèt lo 4 de març de 1790, amb 9 districtes e 72 cantons, a partir de la màger part de l’Agenés.
En 1791, lo capluèc se fixèt definitivament a Agen (Tonens e Gulhon, mai centrals, èran candidats tanben).
Lo 21 de novembre de 1808, la creacion del departament de Tarn e Garona li faguèt pèrdre tres cantons (Montagut de Carcin, Autvilar e Valença).
En 2003, lo Conselh general adoptèt un escut oficial fach de las armas dels quatre capluècs d'arrondiment.
A la creacion de las regions, foguèt inclús dins Aquitània. En 2015 passèt dins la region granda de Novèla Aquitània. Eraudica
Referéncias
Tanben veire Arrondiments d'Òut e Garona Districtes d'Òut e Garona Cantons d'Òut e Garona Comunas d'Òut e Garona Agropaments de comunas d'Òut e Garona
Categoria:Departament francés Categoria:Aquitània Categoria:Òlt e Garona