Lles de Cerdanya es un municipi de la Comunautat Autonòma de la Generalitat de Catalonha, de la província catalana de Lhèida e de la comarca de Bassa Cerdanha.
Toponimia Lles La prononciacion es [ʎɛs] ([ʎes] ?). Las fòrmas ancianas son Lesse en 839, Les al sègle XII e en 1313. Ven del mot basc leçe (varianta leize) « espeluga, avenç, bauç, gòrja » e tanben « valat ». Comparar ambe Llesp e Llessui Joan Coromines, etc, Onomasticon Cataloniæ, vol. V, p. 68-69 https://oncat.iec.cat/veuredoc.asp?id=23625. Músser La prononciacion es ['musə]. Las fòrmas ancianas son Munciar en 839, Musse en 1290, Mucer en 1359. Músser es format ambe l'ibèrobasc muno / buno « turon, puèg ». En comun ambe Arànser, i a la meteissa terminason pòsttonica -ar o -ari e lo sufixe -tzi. A la diferéncia ambe Arànser, la combinason de -ntz- ambe la semivocala -j- [cf. la fòrma de 839] causèt la tombada de n Joan Coromines, etc, Onomasticon Cataloniæ, vol. V, p. 432 https://web.archive.org/web/20240713224559/https://oncat.iec.cat/veuredoc.asp?id=28097. Arànser La prononciacion es [ə'ransə]. Las fòrmas ancianas son Aranzar en 839, Aranser en 1011, 1359, 1632, Arancer en 1312, 1355, Aransa en 1628. Los derivats basques en -ari son nombroses e l'origina es mal segura, benlèu un manlèu del latin, benlèu, dins aqueste cas, una evolucion de -adi (presents dins Arantzadi > Arinsal). La rasic es arantza « espina » Joan Coromines, etc, Onomasticon Cataloniæ, vol. II, p. 213 https://oncat.iec.cat/veuredoc.asp?id=3261. Valiella Milhor que Viliella. La prononciacion es [bə'liélə] (e de còps [bi'liéʎə] . Las fòrmas ancianas son Vallicella en 1040, Les Valleles en 1359, Valiela(m) en 1260, 1269, 1270, 1295, Valiella en 1267, 1632 e sègle XVIII, Valiellas, -ells en 1305, 1355, 1628, Vallielles en 1313. Es lo resultat de Vallicella o del plural Vallicellas, diminutiu de vallis, e non pas *Villicella diminutiu de villa. Lo nom se referís al barranquet o als barranquets que lo vilatge tresplomba Joan Coromines, etc, Onomasticon Cataloniæ, vol. VII, p. 394 https://oncat.iec.cat/veuredoc.asp?id=47158.
Nòtas e referéncias