Arnaud Vidal de Castèlnòu d'Arri (; fl. 1305–1324) es un escrivan occitan lengadocian de Castèlnòu d'Arri.
Vida E mai foguèsse probablament diplomat en drech, se consacrèt mai que mai a la literatura e a la religion. Es un dels membres fondadors del Consistòri del Gai Saber en 1323. Foguèt tanben lo primièr laureat amb un poèma a la Verge.
Un escrivan de roman de cavalariá Levat sa participacion al Consistòri, es conegut per un roman en vèrses (5344 octosillabs), Guilhèm de la Barra (1318). Se tracha d'un roman de cavalariá exotic dins un país imaginari. Victima d'acusacions de la part de la reina, encanhada qu'el aguèsse refusat sas avanças (istòria similara a la de la femna de Potifar e Josèp), l'eròi deu fugir e coneis d'aventuras pendent un vintenat d'annadas. Per çò qu'es de l'istòria literària, lo roman marca los limits del genre del roman de cavalariá que comença de s'aflaquir.
Veire tanben Ligams intèrnes Lista de trobadors e trobairises
Ligams extèrnes Lo roman es disponible sus archive.org en lectura en linha o telecargament: Guilhèm de la Barra
Nòtas e referéncias Nòtas
Referéncias
Categoria:Consistòri del Gai Saber Categoria:Literatura occitana Categoria:Trobador lengadocian del sègle XIV categoria:Escrivan occitan