L'Abadiá dau Toronet (Lou Tourounet en nòrma mistralenca; Toronet en occitan ancianTOUROUNET (LOU), dins Lo Tresaur dau Felibritge) es una abadiá cisterciana (bernardina) situada sus lo territòri de la vila provençala dau Toronet. Foguèt fondada en 1160. Venguèt rapidament prospèra gràcias a de dons nombrós e poguèt desvolopar una economia centrada sus l'agricultura e lo norrigatge. Pasmens, coma leis autreis abadiás cistercianas provençalas, acomencèt de declinar a partir dei sègles XIV e XV en causa dei guèrras intèrnas au Comtat de Provença. Aquò foguèt agravat per lei guèrras de Religion dau sègle seguent. La communautat de monges demeniguèt a cha pauc e l'abadiá foguèt alora restacada a l'evescat de Dinha en 1787. En 1791, lei bastiments foguèron venduts coma ben nacionau mai rapidament abandonats fins a un rescat de l'Estat en 1854 que permetèt sa restauracion e sa proteccion.
Lo trobador Folquet de Marselha se retira aicí en 1201 e ven abat (annada segon Mistral).
Liames intèrnes
Abadiá de Senhanca. Abadiá de Silvacana.
Bibliografia
Nòtas e referéncias
Categoria:Monument de Provença Categoria:Abadiá catolica