Manú Teron (en francés: Emmanuel Théron; Briey, 6 de julh de 1969) es un musician e cantaire occitan de Marselha. Es una figura preeminenta de la cançon occitana contemporanèa gràcias a son activitat al sen de mantun grop coma Gacha Empega o Lo Còr de la Plana, e mai dins la vida sociala e cultura del quartièr de La Plana.
Biografia Emanuèl Teron nasquèt a Briey en 1969. A Marselha, tre 1988, faguèt d'estudis a l'Escòla de Bèlas Arts de Lumini qu'acabèt en 1992. Durant aquel periòde realizèt a l'encòp mantes viatges a l'estrangièr, mai que mai en Itàlia e en Bulgaria, per i estudiar las tradicions musicalas localas. Aital, a partir d'aqueles rescontres decidiguèt de se consagrar a l'estudi e a la difusion de la tradicion musicala occitana.
En 1991 comencèt sa collaboracion musicala amb la cantaira d'origina còrsa Barbara Ugo, e amassa creèron un grop, Leis auceus de nuech, amb un repertòri fondamentat mai que mai sus las musicas tradicionalas d'Itàlia e de Corsega. L'an seguent, en 1992, venguèt animador radiofonic e portava alara un programa dedicat a la musica de l'Euròpa mediterranèa e d'Occitània. Partiguèt puèi en Bulgaria per i ensenhar, de 1993 a 1995, lo francés en licèu. Aprèp sa tornada fondèt amb Barbara Ugo, una autra formacion inspirat per la musica de la Mediterranèa, I Mountanari.
L'an seguent, 1996, marquèt un cambiament important amb la creacion amb sa collèga còrsa e un novèl vengut, Samuel Karpienia, del grop Gacha Empega, que son primièr album, Polyphonies Marseillaises, espelit en 1997, foguèt una revelacion e consagracion.
Influéncias artisiticas
Ligams intèrnes Gacha Empega Lo Còr de la Plana Chin Na Na poun
Ligams extèrnes Lo Còr de la Plana Pagina de MySpace del Còr de la Plana
Teron, Manú Categoria:grops e cantaires d'Occitània Categoria:Naissença en 1969 Categoria:Cantaira e cantaire dels ans 1990 Categoria:Cantaira e cantaire dels ans 2000