Lo Qüartet Tátrai, en ongrés Tátrai-vonósnégyes, es un qüartet de còrdas ongrés del sègle XX, fondat en 1946 e que se separèt en 1994 https://books.google.fr/books?id=bC7BBwAAQBAJ&pg=PT2074&lpg=PT2074&dq=enregistrements+quatuor+tatrai&source=bl&ots=S4ofpAEkP3&sig=dztA4KeX-AFfNqE4wO-vOA-Z7YE&hl=fr&sa=X&ved=0ahUKEwjm8KfessjLAhXLiRoKHbnqAEIQ6AEIPzAE#v=onepage&q=enregistrements%20quatuor%20tatrai&f=false. Istòria Un document ongrés fornís d'entressenhas - dins la lenga del país - e de fotografias nombrosas del qüartet, a l'ocasion de son 70en aniversari. Lo Qüartet Tátrai faguèt son primièr concèrt lo 8 d'octobre de 1946 a Budapèst, lo darrèr lo 10 de genièr de 1994 à Pannonhalma http://www.evangelikus.hu/hetven-evvel-ezelott-alakult-meg-tatrai-vonosnegyes (vila del comitat de Győr-Moson-Sopron, al nòrd-oèst del país, coneguda per son abadiá). Composicion Primièr violon Vilmos Tátrai, nascut lo 7 d'octobre de 1912 a Kispest (ara Budapèst), mòrt a Budapèst lo 2 de febrièr de 1999 Segond violon Albert Rényi (1946-1955) Mihály Szűcs (1955-1968), nascut a Debrecen lo 22 d'octobre de 1922, mòrt a Budapèst lo 20 de junh 1990 István Várkonyi (1968-1994), nascut en 1931 a Budapèst http://epa.oszk.hu/00800/00835/00042/61.html. N.B. Le Nouveau Dictionnaire des interprètes, d'Alain Pâris, escriu Mihály Szűcs (1955-1968) e István Várkonyi (1958- ), mès la notícia Hungaroton dels 33 torns e dels CD de l'opus 76 de Haydn, que lo Qüartet Tátrai enregistrèt en 1964, precisa que lo segond violon es Mihály Szűcs. Segur que la bona data es 1968, amai lo document dejà citat la confirma.
Alto József Iványi, nascut lo 8 de febrièr de 1920 a Kispest, mòrt lo 3 de genièr de 1967 a Budapest (1946-1959) https://www.arcanum.hu/hu/online-kiadvanyok/Lexikonok-magyar-eletrajzi-lexikon-7428D/i-75F28/ivanyi-jozsef-75FC0/ György Konrád (1959-1994), nascut lo 18 d'octobre de 1924 a Szeged e mòrt lo 28 de mai de 2024
Violoncèl Vera Dénes (1946-1951), nascuda Vera Grossmann lo 12 de març de 1915 a Budapèst, ont moriguèt lo 16 de març de 1970 Ede Banda (1951-1994 ), nascut lo 6 d'abril de 1917 a Budapèst, ont moriguèt lo 23 de junh de 2004
Importància musicala Lo Qüartet Tátrai es mai que mai reconegut dins Bartók e Haydn (que, pr'amor de sa longa preséncia a Eszterháza, es considerat en Ongria gaireben coma un compositor nacional). Los Tátrais enregistrèron l'integrala dels qüartets de còrdas de Haydn, en començant per l'opus 76. Aquela interpretacion foguèt recebuda elogiosament, mai que mai per la critica francesa, mès, pr'amor de l'edat dels musicians (lo programa d'enregistrament s'acabèt en un quart de sègle) e, çò qu'es pièger, del primièr violon, nascut en 1912, e del retard tecnic dels enregistraments de Hungaroton, las serias enregistradas après l'opus 76 agèron un succès mendre. L'interpretacion de l'opus 76 foguèt longtemps considerada sovent coma la milhora de totas Dictionnaire des Disques Diapason, 1984, Robert Laffont, Bouquins, p. 438, amai benlèu encara.
Nòtas e referéncias En mai del libre d'Alain Pâris citat en introduccion, los articles ongrés e anglés consacrats al Qüartet Tátrai, o a d'unes de sos musicians, son la font principala de l'article.
Dins l'article, lo pichon nom de las personas es plaçat abans lo nom patronimic, mès l'usatge ongrés es de metre lo pichon nom aprèp.