Lo Canet es una anciana comuna deu Perigòrd e deu departament de Dordonha, qu'es adara dins la comuna deu Pòrt de Senta Fe e Ponchac.
Geografia Lo Canet èra au sud-oèst de la comuna actuala deu Pòrt de Senta Fe e Ponchac; probable qu'èra en majoritat o exclusivament dins la ribièra de Dordonha, perqué lo luèc notat actualament Lo Canet es a quauqua res coma 300 m deu flume.
Toponimia Lo luèc es atestat en 1306, escrit Caneto (en latin); lo nom es un diminutiu de l'occitan cana, deu latin canna, e marca un luèc plen de canavèlas Chantal Tanet, Tristan Hordé, Dictionnaire des Noms de Lieux du Périgord, p. 273, edicions Fanlac, Peireguers, 2000, p. 273-274, çò qu'es confòrma a l'altitud (lo Canet es a 15 m) e a la proximitat de la Dordonha (possibilitat d'ancianas sanhas e autres luècs aigassius).
Istòria Una villa gallo-romana fut descobèrta au Canet.
Coma tota la region de Senta Fe, una bona partida de la populacion èra protestanta. La part deus reformats deminguèt pauc a pauc per conversion (dins lo cas d'un maridatge emb un catolic o una catolica, sovent lo nòvi o la nòvia qu'èra protestanta se virava) e per immigracion de populacions catolicas, que venián sustot de l'interior deu Peiregòrd.
En 1859, las ancianas comunas deu Canet, de La Roqueta (Peiregòrd) e de Sent Avit deu Tisac s'assemblèren dins una comuna novèla que prenguèt lo nom deu Pòrt de Senta Fe. Lo capluèc es au Pòrt de Senta Fehttp://cassini.ehess.fr/cassini/fr/html/fiche.php?select_resultat=6790, aglomeracion que contunha la vila de Senta Fe.
Demografia
I a pas de donadas per 1793 (n'es tanben entau per La Roqueta e Sent Avit deu Tisac) Après 1859, la populacion es recensada dins la comuna deu Pòrt de Senta Fe. Per de rasons practicas, lo n° INSEE es estat camjat
Luècs e monuments Personalitats ligadas emb la comuna Veire tanben Comunas de Dordonha Ligams extèrnes Nòtas