Gòri (en georgian: გორი), es una vila dau centre de Georgia situada a la confluéncia dei rius Liakhvi e Kura. Fondada per lo rèi georgian David IV (1089-1125), foguèt una importanta fortalesa durant l'Edat Mejana. Après l'annexion de la region per Russia au començament dau sègle XIX, recebèt l'estatut de vila. Durant lo periòde sovietic, venguèt un centre industriau e sa populacion aumentèt. En despiech d'una crisi economica grèva dins lo corrent deis ans 1990, agantava aperaquí abitants en 2014.
La vila es dominada per la fortalesa medievala de Goristsikhe. A proximitat se tròba l'anciana vila trogloditica d'Oplistsikhe e la gleia d'Atenis Sioni, que data dau sègle VIIen.
En aost de 2008, durant la segonda guèrra d'Ossetia, foguèt bombardada e ocupada per lei fòrças armadas russas.
Gòri es tanben conegut per èstre lo luòc de naissença dau dictator sovietic Iòssif Stàlin, de l'engenhaire Alexander Nadiradze e dau filosòf Merab Mamardashvili.
Galariá
Personalitats ligadas amb la vila
Iòssif Stàlin (1868-1953) politic, dictator. Alexander Nadiradze engenhaire Merab Mamardashvili filosòf
Nòtas e referéncias
Categoria:Vila autonòma de Georgia