La comunicacion de camp pròche o NFC (de l'anglés near field communication) es una tecnologia estandardizada qu'a coma intencion de facilitar l'interconnexion de dispositius e l'escambi de donadas dins un entorn limitat. Nais a partir de l'identificacion per radiofrequéncia (RFID), tecnologia qu'utiliza d'ondas de ràdio per transferir de donadas dempuèi una etiqueta o una carta cap a un lector que la pòsca identificar o pistar sens besonh de cap de contacte entre eles. drecha|vinheta|450x450px|Figura 1:Dispositiu mobil dotat de la tecnologia NFC interagissent amb un aficha intelligenta
Istòria La tecnologia NFC se basa sus l'identificacion per radiofrequéncia (RFID), una tecnologia sens fils qu'es en desvolopament dempuèi fa gaireben quatre decènnis, que comencèt a èsser utilizada pendent la Segonda Guèrra Mondiala. RFID Permet l'usatge d'un objècte (nomenat tag RFID) que s'apond a un produch, animal o persona amb l'intencion de l'identificar e de lo seguiment en utilizant d'ondas ràdio. Una de las caracteristicas principalas de la tecnologia NFC es que combina las foncions emetritz e receptritz dels tags RFID dins un unic dispositiu. Mai, d'èsser una estenduda del RFID es compatible amb tota sas infrastructura ja presentas. En 2004 sorgís lo NFC Forum que, en se basant sus aquestz estandard, crèa una sèria de protocòls que normalizan la NFC per garantir la interoperabilitat dels dispositius de diferents fabricants. 1983: S'assocïa lo primièr brevet amb los sigles RFID concedit al cercaire Charles Walton, especializat dins l'estudi de las radiofrequéncies. 1997: Primièra forma patentada e usada a joguinas dels personatges de Star Wars per Hasbro. Lo brevet foguèt enregistrat originalment per Andrew White e Marc Borrett a Innovision Research and Technology (Brevet WO9723060). L'engenh permetiá las comunicacion de donadas entre doas unitats fòrça pròcha. 2002: S'inventa la tecnologia NFC per las entrepresas mai importantas dins lo mond dels dispositius mobils e electronics. 2003: La tecnologia NFC es aprovada coma un estandard ISO/IEC e ECMA. 2004: Nokia, Philips, Sony e NXP Semiconductors establisson lo NFC Forum. 2006: Se començan a establir las especificacions per las etiquetas NFC. 2006: Sorgisson las especificacions per las afichas intelligentes 2006: Sortís a la venta lo primièr telefòn mobil amb tecnologia NFC: lo Nokia 6131. 2009: Lo Forum NFC incorpòra a sa tecnologia los estandards P2P, URL e Bluetooth. 2010: Sortís a la venta lo primièr telefòn mobil amb sistèma operatiu Android: lo Samsung Nexus S. 2011: Google fa una mòstra publica sul foncionament de la tecnologia NFC e unas de sas aplicacions mai interessantas. 2011: NFC recèp lo supòrt del sistèma d'expleitacion dels telefòns mobils Symbian amb lo lançament de la version Symbian Anna. 2011: Google pòrta al mercat Google Wallet, un sistèma de pagaments qu'utiliza la tecnologia NFC dins las cartas de credit de Mastercard.
Caracteristicas e especificacions tecnicas Dispositius NFC es una tecnologia de comunicacions sens fils de corta portada e de nauta frequéncia que permet l'escambi de donadas entre dos dispositius pròches. Aqueles dispositius recebon lo nom de Iniciator (qu'es a l'origina de la transmission) e Cibla (lo receptor). L'iniciator genèra un camp de radiofrequéncia qu'alimenta lo receptor. Aquò permet que los receptors pòscan aver de formas simplas e de talhas pichonas, coma etiquetas, adesius, pòrtaclaus o de cartas qu'an pas de batariás o de fonts d'alimentacion.
Frequéncias NFC Fonciona en la benda de frequéncias de 13,56 MHz, çò que fa que s'aplica pas las restriccions e demanda pas cap de licéncia per son usatge. Coma es una tecnologia que deriva del RFID, que s'utiliza en multiplas aplicacions en mitan reals, NFC pren en carga los tauses variables de transferiment per assegurar l'interoperabilitat amb l'infrastructura ja existenta. Ofrís a l'ora d'ara de tauses de transferiment de donadas de 106, 212 e 424 Kbps, e mai se s'espèran valors mai elevadas per los ans venents. Etiquetas NFC Las etiquetas NFC contenon de donadas e malgrat que la majoritat son de lectura sola, unas pòdon èsser enregistrablas. Pòdon servar de biais segur las donadas personalas coma las informacions de las cartas de credit, PINs e de contactes del net, entre d'autras. Lo NFC Forum definís quatre tipe d'etiquetas que provisisson diferentas velocitats de comunicacion e capacitats en tèrmes de configurabilitat, memòria, seguretat, retenguda de donadas e la resisténcia a l'escritura. Aquelas etiquetas ofrisson a l'ora d'ara entre 96 e 4.096 bytes per memòria.
Magnetisme NFC se basa sul principi de induccion electromagnetica que dos circuits inductius pròches partejan l'energia essent plaçats dins sos respectius camps pròches (simulant la foncion d'un transformador), podent transmetre atal de donadas a distàncias d'unes centimètres.
Distàncias de trabalh La distància teorica de trabalh amb las antenas estandardas compactas atenh 20 cm e en practica se parla puslèu d'unes 4 cm.
Biais de foncionament Supòrta doas menas de foncionament: actiu e passiu.
Actiu Ambedós dispositius genèran lo sieu pròpri camp electromagnetic e los alternan per transmetre sas donadas. Un dispositiu desactiva lo sieu camp lo temps de recebre l'informacion. Dins aquel bais, los dispositius devon anbedos dispausar de fonts d'alimentacion.
Passiu Sonque un dels dispositius genèra lo camp electromagnetic e l'autre s'profècha de la modulacion de la carga per poder transferir las donadas. L'iniciator de la comunicacion es encargat de generar aqueste camp.
Codificacion NFC utiliza dos tipes de codificacion diferents per transmetre las donadas. S'un dispositiu transmet a 106 kbps, utiliza una version modificada de la codificacion Miller amb 100% de modulacion. Dins los autres cases, s'utiliza la codificacion Manchester amb una part de 10% de la modulacion.
Coordinacion Los dispositius NFC son capables de recebre e transmetre de donadas al mèsme temps. D'aqueste biais, se pòdon detectar de possiblas errors se la frequéncia del senhal recebut coincidís pas amb la frequéncia del senhal transmés.
Tecnologias ligadas La possibilitat de comunicacion sens fils basats en ondas de radiofrequéncia donèt luòc al desvolopament de nombrosas tecnologias basadas dins lo mèsme principi fisic. Dins la seguenta taula se detalhan e comparan aquelas que complètan o an un domèni d'aplicacion equivalenta a la NFC. NFC RFID WiFi Bluetooth ZigBeeIrDA Taus de transferiment 106 - 424 Kbps 106 - 424 Kbps 11 - 200 Mbps 1 - 480 Mbps 20 - 250 Kbps 1 Kbps – 100 Mbps Frequéncia de foncionament 13,56 MHz 13,56 MHz 2'4, 5'25, 5'6, 5'8 GHz 2'4 GHz 868/915 Mhz 2'4 GHz Nombre maximal dispositius 2 2 Indefinida 8 Indefinida 2 Temps de inicializacion < 0,1 ms < 0,1 ms < 0,1 ms 6 s < 0,1 ms 0,5 ms Portada < 20 cm < 3 m < 100 m < 30 m < 500 m < 5 m Seguretat Donada per la proximitat entre dispositius Donada per la proximitat entre dispositius Determinada pels mecanismes de encriptació que s'utilizen Determinada pels mecanismes de encriptació que s'utilizen Determinada pels mecanismes de encriptació que s'utilizen Donada per la requeréncia qu'ambedós dispositius sián en la linea de vision Consomacion d'energia Minim o inexistent Minim o inexistent Naut per dispositius alimentats amb batariás Naut per dispositius alimentats amb batariás Fòrça bas Bas Objectiu Simplificar l'interaccion entre dispositius electronics Realizar seguiment d'objèctes e contraròtle d'accès Remplaçar de cables en rets vastas, fondamentalament de tipes LANs Remplaçar de cables per connectar dispositius electronics prèps Contraròtle e monitoreig sens fils Remplaçar de cables per connectar dispositius electronics prèps Exemples d'aplicacions Escambi de tarjetes personals electronicas en sarrant dos telefòns mobils Contraròtle d'inventari en supermercats Connexion entre dispositius d'un burèu (Pcs, imprimeiras, èca.) dins d'una meteissa bastissa o dins bastissas prèpas Connexion de periferics (teclat, ratolí, èca.) a una PDA dins la meteissa abitacion Sensors Que accionen de mecanismes dins lo mond de l'agricultura Transferéncia d'archius entre un telefòn mobil e una PDA Figura 3: Taula comparativa de las desparièras tecnologias de comunicacion sens fils
Comparason amb Bluetooth Bluetooth es un protocòl de comunicacion de corta portada amb naut nivèl de seguretat. Foguèt desvolopat per Telecom Vendor Ericsson. Opèra a la banda ISM (Indústria de la Sciéncia e la Medecina sens licéncia), qu'es de 2,4 GHz. Bluetooth Es una comunicacion basada en paquets amb l'arquitectura de Master e Slave e se pòdon connectar fins a sèt dispositius a l'encòp.
NFC Trabalha amb de velocitats inferioras a aquestas ofèrtas per Bluetooth, mas consoma fòrça mens d'energia e demanda pas l'apàriament prealable dels dispositius.
Lo temps de configuracion de NFC es mai rapid que lo de l'estandard Bluetooth. Puslèu que de realizar de configuracions manualas per identificar los dispositius, la connexion entre eles es establida de forma gaireben automatica: unes 0'1 segondas.
NFC opèra a 13,56 MHz e pòt trabalhar amb de velocitats de donadas de fins a 424 kbps, alara que lo Bluetooth opèra a la frequéncia de 2,4 GHz e lo taus maximal taxa es de 2.1 Mbps. Bluetooth pòt trabalhar a unas distàncias compresas dins un rai de fins a 10 mètres, alara que NFC es dessenhada a trabalhar a de distàncias d'unes 20 cm. Aquó poiriá semblar un ponch negatiu per la tecnologia NFC, mas aquel fach redusís la probabilitat de d'intercepcions non desiradas. Aquò la fa mai adaptada a de zònas ont i a fòrça gents amb de dispositius del mèsme tipe, donc que la correlacion d'un senhal amb lo dispositiu de transmission fisica (e per extension amb lo sieu usatgièr) es malaisida.
A subjècta de la consomacion d'energia, NFC n'utiliza mens que los dispositius Bluetooth, e subretot quand los dispositius son pas alimentats (per exemple, un telefòn mobil que seriá apagat) aquesta consomacion aumenta considerablament, alara qu'alimentar las etiquetas passivas demanda d'energia.
Organismes, estandards e projèctes
Estandards La tecnologia NFC foguèt estandarditzada per ISO/IEC (International Organization for Standardization/International Electrotechnical Comision), ETSI (European Telecommunications Standards Institute) e ECMA (European Computer Manufacturers Association). Aquestes estandards especifican los esquèmas de modulacion, codificacion, velocitat de transferiment e lo format de la trama de l'interfàcia de radiofrequéncia per dispositius NFC, e tanben los esquèmas de inicializacion e de las exigéncias del contraròtle de collisions pendent l'inicialitzacion del procès de comunicacion. Definisson tanben lo protocòl de transpòrt, e tanben los metòdes d'activacion de protocòl e d'escambi de donadas.
Forum NFC En 2004, un ensems d'entrepresas internacionalas, lideradas per Nokia, Sony e NXP Semiconductors, constituiguèron lo NFC Forum, una organizacion sens tòca lucrativa e la mission que n'es preparar l'usatge de la tecnologia NFC desvolopant d'especificacions, assegurant l'interoperabilitat entre dispositius e servicis e informant lo mercat sus aquesta tecnologia. En junh de 2013 lo Forum NFC dispausava del supòrt de 190 entrepresas associadas.
Alternativas amb MicroSD e SIM Que los usatgièrs de telefòns mobils non equipats de nièras o tecnologia NFC pòscan dispausar de sos servicis se creèron una sèria de dispositius complementaris coma las cartas MicroSD o las SIM. Caldriá de las incorporar a quin telefòn mobil que siá, quin que siá son sistèma d'expleitacion, e d'apondre una aplicacion dessenhada per gerir aquel novèl element. Pasmens, lo taus de remplaçament dels terminalas es tan rapid que sembla pas necessari de se consacrar fòrça a resòlvre aqueles problèmas.
Autres organismes