Lo canton de Sant Estève de Ludarés es una anciana division administrativa de Vivarés, situada dins l'arrondiment de L'Argentèira, lo departament d'Ardecha e la region de Ròse-Aups, adara d'Auvèrnhe-Ròse-Aups. Las 8 comunas son dempuèi 2015 dins lo canton de Nauta Ardecha (burèu centralizator Tuèis) e tanben dempuèi 2017 dins la Comunautat de comunas de la Montanha d'Ardecha. La lenga autoctòna es l'occitan lengadocian (e non pas lo vivaroaupenc), dins sa varianta bas-vivaresa o nòrd-cevenòla (« lengadocian en cha », qu'a las caracteristicas que definisson lo nòrd-occitan, aitau coma per lo gavaudanés). En 2012, la populacion èra de 974 abitants e la densitat de 5,5 ab/km².
Composicion
NomCòdi INSEESuperficia (km²)Populacion (populacion 2016)Densitat (ab/km²)Intercomunalitat 2018L'Aval d'Aurèla071358,72404,6CC de la Montanha d'Ardecha Borne0703832,01501,6CC de la Montanha d'Ardecha Cellier du Luc0704714,73745CC de la Montanha d'ArdechaLo Planhau0717516,07744,6CC de la Montanha d'Ardecha Sant Alban en Montagne0720613,94906,5CC de la Montanha d'Ardecha Sant Estève de Ludarés0723250,344158,2CC de la Montanha d'Ardecha Sant Laurenç daus Banhs0726226,761385,2CC de la Montanha d'ArdechaLa Veiruna0713613,441118,3CC de la Montanha d'Ardecha
Dempuèi lo 1èr de genièr de 2019, L'Aval d'Aurèla e Sant Laurenç daus Banhs son fusionadas dins la comuna novèla de Sant Laurenç daus Banhs e L'Aval d'Aurèla e ne son de comunas delegadas.
Geografia Las densitats son bassas, inferioras a 10 ab/lm² dins totas las comunas. Mai que l'altitud, l'importància de las desnivelacions explica l'escassetat de la preséncia umana. Las comunas qu'an l'altitud minimala pus bassa son L'Aval d'Aurèla (600 m) e Sant Laurenç daus Banhs (623 m), las qu'an l'altitud minimala pus nauta son Lo Planhau (1056 m), La Veiruna (974 m), Sant Estève de Ludarés (969 m), Sant Alban en Montagne (951 m) e Cellier du Luc (932 m), mas las qu'an la desnivelacion pus fòrta son Borne (761 m) e Sant Laurenç daus Banhs (756 m), las qu'an la desnivelacion pus febla son Cellier du Luc (270 m), Sant Alban en Montagne (378 m), La Veiruna (391 m) e Lo Planhau (407 m). Las montanhas pus esquiçadas son puslèu a l'oèst, encara mai alh sud, près delhs cantons de Vaugòrja e de Juèsa.
Las desnivelacions son una dificultat per l'agricultura e per las viás de comunicacion. La val de Masmejan, relativament rectilinèa, permet a la RD 19 (d'Aubenàs a Luc (Losera) per Jaujac) d'èsser la rota màger delh canton; mas aquò's un itinerari segondari. L'oèst delh canton beneficia un pauc de la proximitat de la RD 906 loseròta, installada dins la val d'Alèir.
Istòria Nòtas e referéncias