Lo Camin de Regordana es un camin antic d' Occitània, que mena per Cevenas de Sant Geli (qu'èra en quel temps un Pòrt) al Puèi .
Es ara lo GR700, La linha Lo Cevenòl coma la RD906 (Gard) seguisson grosso modo l'itinerari.
Marcel Girault estudièt lo camin pendent mai de cinquanta ans e n'en foguèt lo promoveire. N'escriguèt fòrça libres e una tèsa universitari.
Istòria
Antiquitat Dempuèi l'auba de l'umanitat, "la Regordana" bota en relacion los pòbles de Mediterranèa e los del reirepaís (Gavaudan, Velai) per la falha de Vilafòrt. Foguèt un vector important de romanizacion dels pòbles celtics e d'espandiment de la lenga latina. Lo camin foguèt pas una "via romana" stricto sensu mès èra ja utilisat per lo comèrçi e lo carrèg de l'Estanh.
843-sègle XIII : l'atge d'aur del camin Dins l'antiquitat tardiva (consequéncia del tractat de Verdun), Ròse separava istoricament las tèrras d'Empèri e de Reiaume; La via Regordana venguèt alara l’itinerari lo mai orientau del reiaume que menava au pòrt de Sant-Gèli, utilisat per los pelegrins e los mercants.
Del sègle XIV a ara Lo camin es remplaçat per las rotas de la val del Ròse.
<tr>Di bigatié qu'aduson o qu'emporton
Pèr lou Camin de la Reino Gileto,
Dis Auvergnas, di Limousin de Tulo ,
Que dóu Camin Regourdan ié descéndon.
Argént tintin, van emboursa li dito
Qu'en fiero de Béu-Caire á jabo toumbon»
Trach de Lo Poèma dau Ròse per Frederic Mistral (amb sa grafia]<tr>
Toponimia L' origina es desconeguda. Gratien Charvet, un istòrian de Gard del sègle XIX, faguèt l'ipotèsi que ven del gallés "Rec" (riu) e "Ordan" (camin). Es savant mès aquò ten pas car n'i a pas de rius !
Itinerari Sant Geli
Nimes
Alès
Ginolhac
Pòrtas
Vilafòrt
La Garda Guerin
La Bastida Puèglaurenç
Luc
Varianta 1 : lo camin antic segon Marcel Girault
Passas d'Alèir a Luc
L'Esperon
Varianta 2 : lo camin modern segon Marcel Girault
Lengònha (passas de Lengoiron e d'Alèir )
Pradèlas
La Sauvetat (Landòs)
Lo Puèi de Velai