Michel de Lorgeril, nascut lo 8 d'octobre 1950, es un cardiològue francés, cercaire al Centre Nacional de la Recèrca Scientifica (CNRS) . A trabalhat a l'Universitat de Grenòble-1.
Biografia Remarca : pel moment, lo paragrafe non precisa lo ròtle personal del doctor de Lorgeril e dels collègas o collaborators, mai que mai Serge Renaud (1927, Cartelègue - 2012, Carcan), qu'èra pas mètge e doncas pas apte a dirigir un estudi medical, mès tanben Patricia Salen, etc. L'inconvenient es de botar Michel de Lorgeril al primièr plan dins un trabalh collectiu (escrit en febrièr 2020).
Michel de Lorgeril se faguèt conéisser en 1992 en prepausant una teoria explicativa del fenomèn epidemiologic dit paradoxe français Dins la practica, puslèu una paradòxa occitana (o French paradox), nocion deguda a Serge Renaud, basada sus l'idèa qu'un consumiment fòrt de certanas matèrias grassas e lo vin o d'unes de sos constituents (l'etanòl o los polifenòls) avián d'efièits benefics sus la santat cardiovasculara. En primièr criticada violentament, aquela teoria faguèt nàisser de trabalhs scientifics nombroses de per lo mond que contribuïguèron a la confirmar finalament . Lo ròtle benefic de l'etanòl non foguèt jamai confirmat, mès de trabalhs que concernisson los polifenòls contenguts dins lo vin roge pòrtan de donadas interessantas per la prevencion cardiovasculara.
En 1994, e pel primièr còp , Serge Renaud (o Michel de Lorgeril) mostrèt los efièits protectors per la santat de l'acide gras omegà-3 d'origina vegetala (acide alfà-linolenic); foguèt subretot un dels principals investigators de l'Estudi de Lion (Lyon Diet Heart Study) que permetèt, entre 1998 e 1999, de demostrar que le regime mediterranèu es un modèl alimentari benefic per la prevencion de las malautiás cardiovascularas, quitament per de cancèrs e autras malautiás cronicas.
Entre 2000 e 2012, e dins lo quadre de consòrcis europèus, desvolopèt de programas de recèrca que cercavan a demostrar los efièits dels polifenòls (mai que mai d'unes pigments vegetals coma las antocianinas) sul sistèma cardiovascular (demostracion d'un efièit precondicionant cronic sul còr) e sul metabolisme endogèn dels acides grasses omegà-3 (fenomèn dit del fish-like effect of).
Dempuèi 2007, s'ocupa de denonciar çò que considèra coma una desinformacion sistematica a l'entorn de las questions del colesteròl e dels medicaments anticolesteròl. Lo doctor de Lorgeril se pensa que, se lo colesteròl es un dels constituents de la placa d'ateròma qu'obstruís progressivament las artèrias, es pas lo principal responsable de la subrevenguda de l'infarctus, atal coma expliquèt dins l'emission d'Arte (difusada en octobre 2015 e novembre 2017), Cholestérol, le grand bluff (« Colesteròl, la granda engana »). Enfin publiquèt d'obratges que tòrnan metre en question la culpabilitat del colesteròl sus las malautiás cardiovascularas. Denóncia una desinformacion a prepaus dels efièits vertadièrs del colesteròl sus la santat. Acusa las industrias farmaceuticas d'interpretar volontàriament d'un biais erronèu las estatisticas relativas a las malautiás cardiovascularas per justificar l'emplec de las estatinas que son a l'origina de revenguts importants.
Dempuèi 2012, prepausa als mètges e al public, dins sos obratges e sus son blòg, una estrategia de prevencion de l'infarctus del miocardi e de l'accident vascular cerebral basada sus l'adopcion d'un mòde de vida protector.
Elements de son argumentacion Lo colesteròl es pas toxic mès necessari Per Michel de Lorgeril, doás teorias existisson que botan en causa lo colesteròl dins las maladies cardiovascularas : la teoria del « Tan pauc de colesteròl que se pòsca » ; la teoria del « lindal de toxicitat » del colesteròl. Segon Michel de Lorgeril, aquelas doás teorias, que se basan sus l'idèa que lo colesteròl seriá un toxic del sistèma cardiovascular, non reposan sus cap donada scientifica seriosa. Serián en fait equivalentas mès, subretot, non redrián compte de la realitat biologica que seriá tota autra. Es atal que Michel de Lorgeril considèra que totas las donadas scientificas de las darrèras decennias que concernisson las estatinas son falsas ambe una pollucion sosjacenta de l'industria farmaceutica per tal de ganhar mai d'argent.
Per Michel de Lorgeril, lo colesteròl es una molecula-clau de la biologia, e l'elevacion de son taus non seriá que lo marcaire d'un desòrdre lipidic sosjacent. En d'autres tèrmes, lo taus de colesteròl non seriá que lo (marrit) testimòni d'un crime e seriá absurde de voler « far baissar lo colesteròl » a tota fòrça perqué aquò non seriá que de suprimir lo testimòni d'un crime sense remediar al crime. Es atal que segon el òm pòt fòrt plan aver un colesteròl naut e non jamai morir d'una malautiá del sistèma cardiovascular, o aver un colesteròl normal (ambe estatinas o non) e far un infarctus.
Per el, la realitat medicala mòstra que la frasa « lo colesteròl tapa las artèrias » es un resumit grossièr de la complexitat fisiologica. Una placa d'ateròma es pas constituida sonque de colesteròl. Una placa d'ateròma es constituida de LDL oxidat, de brigalhas cellularas, de cellulas inflamatòrias, de collagèn, de calci....
Lo colesteròl es indispensable a la vida de las cellulas, mai que mai las del cervèl Michel de Lorgeril, L'horrible vérité sur les médicaments anti cholestérol - Comment les statines empoisonnent en silence, Thierry Souccar Éditions, 2015, p. 28-30, 32-33 , per las surrenalas e las ormònas sexualas Michel de Lorgeril, L'horrible vérité sur les médicaments anti cholestérol - Comment les statines empoisonnent en silence, Thierry Souccar Éditions, 2015, p. 31 ; luènh dels repaisses, quand l'alimentacion ne fornís pas, lo fetge fabrica de colesteròl Michel de Lorgeril, L'horrible vérité sur les médicaments anti cholestérol - Comment les statines empoisonnent en silence, Thierry Souccar Éditions, 2015, p. 37 .
Un exemple de l'abséncia de responsabilitat del colesteròl dins las malautiás cardiovascularas es que quand donan a una femna d'ormònas femeninas o a un òme de testosterona, lo colesteròl deminga mès lo risc cardiovascular aumenta Michel de Lorgeril, L'horrible vérité sur les médicaments anti cholestérol - Comment les statines empoisonnent en silence, Thierry Souccar Éditions, 2015, p. 41 .
Los efèctes dels medicaments ipocolesterolemiants Los medicaments ipocolesterolemiants (que fan baissar lo taus de colesteròl sanguin), coma las estatinas son vertadièrament eficaces per demingar lo colesteròl Michel de Lorgeril, L'horrible vérité sur les médicaments anti cholestérol - Comment les statines empoisonnent en silence, Thierry Souccar Éditions, 2015, p. 44 , çò qu'es un inconvenient pr'amor de l'utilitat del colesteròl; Las estatinas favorizan la dintrada d'agents infeccioses o de substáncias toxicas dins lo fetge ; Las estatinas favorizan los depaus calcics dins las artèrias Michel de Lorgeril, L'horrible vérité sur les médicaments anti cholestérol - Comment les statines empoisonnent en silence, Thierry Souccar Éditions, 2015, p. 45 ; En provocant un disfoncionament de las mitocondrias, las estatinas favorizan la diabèti Michel de Lorgeril, L'horrible vérité sur les médicaments anti cholestérol - Comment les statines empoisonnent en silence, Thierry Souccar Éditions, 2015, p. 49 Michel de Lorgeril, L'horrible vérité sur les médicaments anti cholestérol - Comment les statines empoisonnent en silence, Thierry Souccar Éditions, 2015, p. 97-108 , lo cancèr, las patologias neuro-immunitàrias neurodegenérativas (Parkinson, Alzheimer, Huntington) Michel de Lorgeril, L'horrible vérité sur les médicaments anti cholestérol - Comment les statines empoisonnent en silence, Thierry Souccar Éditions, 2015, p. 60 e neuropsiaquiatricas e accelèran l'envielhiment ; Las estatinas inibisson los efèctes protectors dels omega-3 e donc pòdon aumentar lo risc cardiovascular Michel de Lorgeril, L'horrible vérité sur les médicaments anti cholestérol - Comment les statines empoisonnent en silence, Thierry Souccar Éditions, 2015, p. 53 ; Las estatinas provòcan de dolors musculotendinosas Michel de Lorgeril, L'horrible vérité sur les médicaments anti cholestérol - Comment les statines empoisonnent en silence, Thierry Souccar Éditions, 2015, p. 54 e donc pòdon far l'arrestar l'exercici fisic e sos efèctes protectors Michel de Lorgeril, L'horrible vérité sur les médicaments anti cholestérol - Comment les statines empoisonnent en silence, Thierry Souccar Éditions, 2015, p. 98-100 . Lo taus de colesteròl es correlat invèrsament al risque de cancèr, de diabèti, de malautiás infecciosas, de malautiás psiquicas e cognitivas, de malautiás ocularas Michel de Lorgeril, L'horrible vérité sur les médicaments anti cholestérol - Comment les statines empoisonnent en silence, Thierry Souccar Éditions, 2015, p. 71 , çò que mòstra que val mai prescriure pas d'ipocolesterolemiants; Las estatinas provòcan de trebolums del sòm e i a una correlacion positiva entre lor prescripcion e la prescripcion d'endormitòris Michel de Lorgeril, L'horrible vérité sur les médicaments anti cholestérol - Comment les statines empoisonnent en silence, Thierry Souccar Éditions, 2015, p. 133 .
D'enjòcs economics importants Prescrivon d'estatinas ara a près de sèt millions de franceses e, segon Michel de Lorgeril, la contestacion d'aquelas prescripcions encontrariá de pressions plan gròssas d'un lobby farmaceutic que fa de las estatinas una font de revenguts plan granda Le Doctor Michel de Lorgeril débriefe son invitation dins l'emission del 19 de febrièr 2013 de France 5 Allô docteurs sus son site personal. Jacques Robert « De Lorgeril au Magazine de la santé : los medicaments anticolesteròl son ineficaces e toxics », lanutrition.fr, lo 20 de febrièr 2013.YouTube , Efficacité des médicaments anti-cholestérol - Magazine de la santé, France 5 - Michel De Lorgeril|]. Michel de Longeril publiquèt tanben mai d'un libre que concernisson sa vision de l'industria farmaceutica e de la fisiopatologia del colesteròl, qu'agèron un grand succès dins lo public.
Los escandals sanitaris associats a las estatinas Los afars del Vioxx (Rofécoxib) e l'afar Enhance (tanplan coma, dins un autre domeni, l'afar del Mediator) mòstran que l'industria farmaceutica pòt escondre de donadas tecnicas. Aquels afars metèron en dobte, a l'epòca, la capacitat de las agéncias governamentalas (en França coma als Estats-Units per la Food and Drug Administration per exemple) a conta-rotlar las donadas dels estudis de l'industria farmaceutica. Segon Lorgeril, l'escandal de las estatinas es pus ample que lo del Médiator.
A la fin de 2018, la Nauta Autoritat de Santat (HAS) consentiguèt a retirar totas sas recomandacions de presa en carga medicala de las dislipidèmias, jos la pression del Conselh d'Estat sasit pel Formindep, al motiu que la majoritat dels expèrts de la HAS avián ds ligams financièrs estrets ambe de laboratòris que comercializan de medicaments contra'l colesteròl, los avián esconduts a la HAS e publicament declarat de n'aver pas, çò qu'es illegal. L’associacion Anticor, especializada dins la luta anticorrupcion, faguèt una denóncia contra aquels expèrts per « presa illegala d’interèst » per tal que la justícia pòsca esclairar aquels faits embarrassants.