Lo turcmèn es una lenga turquesa parlada en Turcmenistan e dins los paises vesins.
Localisacion Lo turcmèn es la lenga oficiala de Turcmenistan. De minoritats importantas parlan la lenga dins los paises vesins, en Tatgiquistan, Cazacstan, Ozbequistan e tamben dins lo nòrd d'Afganistan e dins lo Khorassan dins lo nòrd-èst d'IranCharïyarov e Nazarov 1997, p. 412..
En Turquia, coma dins lo nòrd de Siria e d'Iraq, vivon de populacions turcofònas que se sonan turcmèns o turcomans. Çaquelà, lor lenga es pas lo turcmèn, mas de dialèctes oghoz pròches del turc e de l'azèri.
Classificacion e dialèctes Lo turcmèn fa partida de las lengas oghoz, una branca de las lengas turquesas.
Escritura Lo turcmèn es vengut una lenga literària al començament del sègle XIX, escrich amb l'alfabet arabi. En 1928, lo poder sovietic, impausèt l'alfabet latin, per lo remplaçar, en 1940, per l'alfabet cirillic. Aprèp l'independéncia, en 1996, lo govèrn introduguèt l'alfabet latin, mas dins una version pro diferenta d'aquela de las annadas 1930Charïyarov e Nazarov 1997, p. 412-413..
Referéncias
Fonts Claus Schönig, 2006, Turkmen, dins Lars Johanson, Éva Á. Csató (eds.), The Turkic languages, p. 262-272, Routledge language family descriptions series, Londres, Taylor & FrancisP. 1-58. B. Charïyarov, O. nazarov, 1997, turkmenskiy iazyk, dins E. R. Tenishev (ed.), Iazyki Mira - tyurkskie iazyki, p. 412-426, Moscòu, Indrik.
Categoria:Inventari de lengas Categoria:Lenga turquesa Categoria:Lenga de Turcmenistan Categoria:Lenga d'Ozbequistan Categoria:Lenga de Cazacstan Categoria:Lenga de Tatgiquistan Categoria:Lenga d'Iran Categoria:Lenga d'Afganistan