vinheta|La flaüta a tres traucs e le tamborin de còrdas son plan utilisats per las musicas a dançar. La musica occitana tradicionala es l'ensemble de las cançons e dels aires que se jògan tradicionalament en Occitània. Es una partida de la musica occitana.
Instruments utilisats La puspart dels instruments utilisats dins la musica tradicionala occitana son pas especifics e s'emplègan tanben dins autras regions d'Euròpa e del monde. Podèm citar
l'acordeon diatonic
la vièla a ròda
le violon
le cant
le tambor
l'armonicà
vinheta|Una Boha.
Si i a pas cap d'instrument especific a tota Occitània, i a pasmens d'instruments que son especifics a sas regions. Podèm citar
la boha de las Lanas de Gasconha
la cabreta d'Auvèrnhe (Occitània)
le tamborin de Provença
le tamborin de còrdas utilisat en Bearn e País Basc
las polifonias de las Pireneas o de la region de Marselha
las flaütas a tres traucs utilisadas ambe'ls tamborins provençals e bearnés.
Repertòri
Le repertòri de las musicas tradicionalas occitanas es plan divèrs.
Se compausa (lista non-exaustiva)
de las cançons tradicionalas en occitan de cançons en francés especificas a cèrtas regions d'OccitaniaExemple : una cançon polifonica en francés tradicionala de la Vath d'Aussau https://www.youtube.com/watch?v=fd1ciaIqU4w de musicas a dançar en cople o en grop de cantics e autras musicas religiosas
Se conèis pas de musica que siá tradicionala d'Occitània tota a l'excepcion notabla del Se Cantahttps://www.youtube.com/watch?v=8YTkzUOG2ao.
Çaquelà, coma pels instruments, i a d'estiles e de musicas que son especifics de cèrtas regions coma la borrèia d'Auvèrhne Istòria
Originas Si cèrtas tradicions se pòden datar precisament (coma l'associacion de la cabreta e de l'acordeon dins las musicas a dançar, qu'aparèis al sègle XXhttps://www.youtube.com/watch?v=FJotjXDqm9Q&list=PLFXJMSL52oQISleKgvROBDYglz4AHoTRi&index=28&t=0s), d'autras semblan mès ancianas e lor origina istorica imprecisa. Es le cas dels sauts bearnés e bascs per citar un exemple. vinheta|una particion d'una cançon de Cyprien Despourrins. Localament, de cançons escritas per autors identificats son passadas dins le repertòri de la cançon tradicionala en occitan. Es le cas per òbras de Cyprien Despourrins pel cant polifonic bearnés e de Nicolas Saboly pels nadalets provençals.
Menaças de disparicion
Al sègle XX, principalament après la segonda guèrra mondiala, fòrça tradicions musicalas perdèren lors practicaires e d'unas manquèren de desaparèisser. Es le cas de la boha landesa.
Renavida e ibridacion amb autres estiles A la fin del sègle XX etnomusicològs e musicaires d'Occitània s'interessan de mès en mès a las tradicions de lors países, coma es le cas dins fòrça regions d'Euròpa. Le nombre de musicaires tradicionals torna créisser e s'organisa de bals e de concèrts. vinheta|Le grop Lo Dalfin jòga rock e musica tradicionala occitana. Unes artistas d'aquesta generacion nòva van essajar de perpetuar las tradicion d'un biais le mès fidèl possible mes d'autres van crosar lors influéncias tradicionals amb las musicas pop, rock, jazz, electronica o encara metal. Véser tanben
Musica occitana Tradicion
Ligams extèrnes
https://web.archive.org/web/20191114122738/https://talvera.org/, associacion de collectatge e de reinterpretacion de cançons tradicionalas de Lengadòc https://www.youtube.com/watch?v=Jf0u3t2beEs conferéncia sus la musica tradicionala de Provença https://www.youtube.com/watch?v=YHC7neBY_e4 un tròç de Trencadit, grop de musica tradicionala de Gasconha https://web.archive.org/web/20250125031514/http://tarncoeuroccitanie.com/instruments-traditionnels/?fbclid=IwAR0x_LI-qCSuB1DJ2-iKBzJYA9AYiQ-T4unHSAIxxlF4vxu6xkWJfb3sDbw lista dels instruments tradicionals sul sit del departament de Tarn
Referéncias
Los Instruments de la Musica Gascona, libe publicat per l'Ostau Bearnés https://web.archive.org/web/20200324144858/https://ostaubearnes.wixsite.com/boutique-ostau/product-page/los-instruments-de-la-musica-gascona
Categoria:Musica occitana