Vinhamala (en aragónes: Pico Comachibosa; en espanhòl: Viñamala; en francés: Vignemale) es un som culminant a 3.298 m d'altitud, amb una prominéncia de 1.029 m, situat dins lo massís omonim, entre los Auts Pirenèus (Gasconha) e la província d'Òsca (Aragon), respectivament entre França e Espanha.
Vinhamala es tanben lo nom donat al massís entièr que s'espandís entre Aragon e Gasconha. Es format de divèrses soms, que los màgers son lo Grand Vinhamala o Pica Longa (3298 m), la Punta Chausenca (3204 m) e lo Petit Vinhamala (3032 m). Lo Vinhamala es tanben lo site del pus bèl glacièr pirenenc - lo glacièr d'Osso - qu'es la via normala cap a la cima de Vinhamala.
Pujadas
1792 - Lo 1èr d'agost, de pastres quilhan un senhal al som del pic de Montferrat a la demanda de Louis-Philippe Reinhart Junker que dirigís una còla de geodesians encargats de delimitar la frontièra, e de definir l'altitud dels soms. L'endeman, lo 2 d'agost, los quites pastres que s'es pas retengut lor nom quilhan un autre senhal a la cima de la Pica Longa, som principal de Vinhamala.
1837 - Es pas que 45 ans pus tard, lo 8 d'octobre, que i aurà la primièra pujada coneguda del Vinhamala per Enric Casaus, guida de Luz e son conhat Bernat Guilhembet. Es çò que conta lo Prince de la Moskova dins lo relat de sa pujada de l'11 d'agost de 1838.Henri Béraldi, Cent ans aux Pyrénées, tome II, p.77. thumb|left|300px|Calabrun a la Pica Longa
Nòtas e referéncias
Categoria:Som dels Hauts Pirenèus Categoria:Punt frontalièr dels Pirenèus