../.. | Sègle XIII | Sègle XIV | Ans 1400 | Ans 1410 | Ans 1420 | Ans 1430 | Ans 1440 | ../..
Istòria
1410-1411 : represa de la guèrra entre Polonha-Lituània e l'Òrdre Teutonic amb una desfacha importanta dei Teutonics a la batalha de Grunwald. L'Òrdre perdiguèt plusors miliers d'òmes e mai d'un oficier important, compres lo Grand Mèstre Ulrich von Jungingen. Polonha-Lituània aprofichèt aqueu succès per venir la poissança principala de la region au tractat de Torun signat l'an seguent.
1413-1414 : en Etiopia, abdicacion dau negus Dawit I au profiech de son fiu Tewodros I (1413-1414) qu'aguèt un rèine brèu car moriguèt tre l'annada seguenta. Yeshaq I venguèt finalament negus e deguèt faciar una ataca generala deis estats musulmans d'Africa Orientala.
1415 : batalha d'Azincourt entre Francés e Anglés. La cavalariá pesuca francesa i foguèt tornarmai anientada, çò que permetèt ais Anglés e ai Borgonhés d'estendre son influéncia en França.
1415 : en Africa Orientala, conquista dau pòrt de Zeila per leis Etiopians (→ 1424).
1417 : en Mesoamerica, mòrt dau tlatoani Huitzilihuitl. Durant son rèine, capitèt de desvolopar Tenochtitlan e de demenir lei tributs pagats au rèi d'Azcapotzalco. Son fiu Chimalpopoca li succediguèt
Cultura
Sciéncias e tecnicas
1418 : mòrt dau matematician egipcian Ahmad al-Qalqashandi, autor de l'enciclopèdia Subh al-a 'sha que conteniá un trabalh sus la criptografia considerat coma important per sei contemporanèus. Dins aquò, aquela òbra es perduda e desconeguda a l'ora d'ara.
Decès
Ahmad al-Qalqashandi, sabent arabe. Hasdai Crescas, filosòf sefardita. Dawit I, negus d'Etiopia. Huitzilihuitl, tlatoani astèc. Tewodros I, negus d'Etiopia. Ulrich von Jungingen, Grand Mèstre de l'Òrdre Teutonic.
Liames intèrnes
Batalha de Grunwald. Guèrra de Cent Ans.
Bibliografia
(fr) Sylvain Gouguenheim, Tannenberg : 15 juillet 1410, Tallandier (2012).
Nòtas e referéncias