Téléphone èra un grop emblematic del rock francés format lo 12 de novembre de 1976 a París e separat lo 21 d'abril de 1986.
Biografia
Compausat de Jean-Louis Aubert (guitarra e cant), Louis Bertignac (guitarra e cant), Corine Marienneau (bassa, cant e guitarra) e Richard Kolinka (batariá), Téléphone aguèt una capitada enòrma en França.
Lor primièr succès popular vertadièr foguèt Hygiaphone al debut de l'annada de 1978 (un simple publicat en 1977 qu'aviá en fàcia B Métro c'est trop). Hygiaphone es tirat de lor primièr album paregut tre 1977, un album simplament titolat Téléphone e que conteng tròces devenguts a la longa d'estandards del grop coma Flipper o Téléphomme.
Entremiei los autres tubes de Téléphone, se pòt citar qualquas cançons incontornablas coma La bombe humaine (fin 1979), Argent trop cher (fin 1980), Ça c'est vraiment toi (1982), Cendrillon (fin 1982), Un autre monde (fin 1984), New York avec toi (1985) e Le jour s'est levé (fin 1985).
Téléphone publiquèt en tot cinq albums estudiòs. Faguèron tanben fòrça viradas popularas en França : en gaireben dètz ans d'activitat, entre 1976 e 1986, lo grop montèt mai de quatre cent setanta còps sus l'empont. Es lo grop rock francés segond mai gròs vendeire de disques aprèp Indochine.
Separats dempuèi 1986https://www.parismatch.com/People/Louis-Bertignac-sur-la-fin-de-Telephone-Jean-Louis-Aubert-n-acceptait-pas-ce-que-j-apportais-1800874, Jean-Louis Aubert, Louis Bertignac e Richard Kolinka se son pr'aquò amassats jos lo nom « Les Insus » per interpretar las cançons de Téléphone a l'escadença de qualques concèrts fin 2015, per una granda virada en 2016, festenals en 2017, e un final a l'Estadi de França lo 16 de setembre de 2017.
Discografia 1977: Téléphone 1979: Crache ton venin 1980: Au cœur de la nuit 1982: Dure limite 1984: Un autre monde
Cançons mai conegudas Hygiaphone (1977) Métro, c'est trop (1977) Flipper (1977) Téléphomme (1977) Anna (1978) Un peu de ton amour (1979) Faits divers (1979) La bombe humaine (1979) Crache ton venin (1979) Argent, trop cher (1980) Ploum ploum (1980) Au cœur de la nuit (1981) Fleur de ma ville (1981) Le silence (1981) Ça, c'est vraiment toi (1982) Cendrillon (1982) Ex-Robin des bois (1982) Le chat (1982) Jour contre jour (1983) Dure limite (1983) Oublie ça (1984) Un autre monde (1984) New York avec toi (1985) Le jour s'est levé (1985)
Referéncias
Categoria:grop de rock francés Categoria:Grop de musica francés Categoria:Grop de rock Categoria:Grop de musica dels ans 1970 Categoria:Grop de musica dels ans 1980