Les Wampas es un grop de rock psychobilly puèi punk rock francés format en region parisenca, plan conegut del mitan de la scèna independenta alternativa tre la fin de las annadas 80 mès vengut fòrça popular dempuèi 2003 gràcias al tube Manu Chao, tròç punk rock risolièr que se trufa del enriquiment gràcias al show business del dit Manu Chao (e d'autras dins la cançon).
Biografia
Los Wampas se son formats en 1983 autorn del cantaire Didier Chappedelaine. Lor nom Wampas es tirat de la benda dessenhada Rahanhttps://www.bd-pf.fr/Album-80762-rahan-n-27-les-hommes-wampas.html.
L'estili musical inicial dels Wampas èra puslèu de rock psychobilly (mal) cantat en francés. Aquesta demarcha completament anticonformista (lo fait de far mina de mal cantar, la causida d'un estili musical pas brica popular en França) fa que los Wampas se sarrèron lèu-lèu de la scèna alternativa emergenta ambe los quals partajan l'empont, Bérurier Noir, Ludwig von 88, los Garçons Bouchers, Jad Wio, OTH, los Satellites, Parabellum... e lo quite grop del Manu Chao, la Mano Negra ! aital, ambe la sortida del tresen album Les Wampas vous aiment en 1990, lo grop ven l'un dels grops màgers d'aquesta scèna rock independenta francesahttps://fr.wikipedia.org/wiki/Cat%C3%A9gorie:Groupe_fran%C3%A7ais_de_rock_alternatif, e lor cançon Petite fille un estandard del rock alternatiu francés.
Los musicians dels Wampas van fòrça cambiar rapòrt a la debuta e, forçalament, influar sus l'orientacion musicala. Aital, entre 1985 e 1991, lo guitarrista Marc Police balharà un estili mai surf als Wampas (coma dins Petite fille). En seguida de la mòrt del paure Marc Police, los Wampas recrutan coma novèl guitarrista lo Philippe Almosnino, qu'i demorarà dincas en 2015 ont se'n va per intègrar lo grop de Johnny Hallyday.
En 2003, los Wampas t'an un tube sospresa ambe la cançon Manu Chaohttp://www.chartsinfrance.net/Les-Wampas/Manu-Chao-s4846.html, que los tira fin finala de lor estatut marginal de grop alternatiu. Aital, son convidats en 2005 per Indochine a participar a l'album Alice & June (cançon Harry Poppershttps://www.cheriefm.fr/artistes/indochine/actus/retour-sur-l-album-alice-et-june-du-groupe-indochine-71415412), e fan lor primièra partida sus l'empont de l'estada de França lo 26 de junh de 2010.
De notar qu'en 2006, fan un escandal ambe la capitada de lor cançon Chirac en prisonhttp://www.chartsinfrance.net/Les-Wampas/Chirac-en-prison-s5850.html, pauc aimada del govèrn francés e evidentament censurada pels medias mainstream.
Discografia 1986: Tutti frutti 1988: Chauds, sales et humides 1990: Les Wampas vous aiment 1993: Simple et tendre 1996: Trop précieux 1998: Chicoutimi 2000: Kiss 2003: Never Trust a Guy Who After Having Been a Punk, Is Now Playing Electro 2006: Rock'n'Roll Part 9 2009: Les Wampas sont la preuve que Dieu existe 2014: Les Wampas font la gueule 2017: Evangelisti 2019: Sauvre le Monde
Cançons mai conegudas Petite fille (1990) Puta (1990) Les bottes rouges (1993) Trop précieux (1996) Ma mère me rend folle (1998) J'ai avalé une mouche (2000) Manu Chao (2003) Chirac en prison (2006) Rimini (2006)
Referéncias
Wampas, Les Wampas, Les Wampas, Les Wampas, Les Wampas, Les Wampas, Les Wampas, Les