right|250px|thumb|Iron Maiden sus l'empont. En decòr, lor mascòta Eddie amb dins sas mans la bandièra britanica Iron Maiden (La verge de fèrre) es un grop de heavy metal britanic, originari de Londres (Anglatèrra). Lo grop es estat format en decembre de 1975 pel bassista Steve Harris, rejonch lèu-lèu pel guitarrista Dave Murray. Pionièrs de la new wave of British heavy metal (NWOBHM, la novèla èrsa del heavy metal britanic de las annadas 80), Iron Maiden es un dels gops mai coneguts d'aqueste estil e a vendut mai de cent milions d'albums.
right|250px|thumb|Lo bassista Steve Harris, fondator de Iron Maiden right|250px|thumb|Dave Murray, guitarrista de Iron Maiden right|250px|thumb|Bruce Dickinson, lo mai conegut dels cantaires de Iron Maiden
Lo nom del grop, la verge de fèrre, fa referéncia a un instrument de tortura de l'Edat Mejana.
Eddie, la mascòta de Iron Maiden, es una mena d'esqueleta zòmbi imaginat pel dessenhaire Derek Riggs. A causa d'aquesta imatjariá macabra, tant del nom coma de la mascòta e pr'amor d'unes dels tèxtes ambe referéncias a la Bíblia, Iron Maiden es sovent estat acusat de satanisme, çò que los sòcis del grop an totjorn recusat.
Iron Maiden a sovent cambiat de cantaire, sustot au començament. Dempuèi 1978 i aguèt pas mens de tres cantaires diferents, Paul Di'Anno entre 1978 e 1981, Blaze Bailey entre 1994 e 1999, e plan solide Bruce Dickinson, qu'es considerat coma lo cantaire emblematic de Iron Maiden, dintrat dins lo grop en 1981. A la batariá, aprèp fòrça cambiaments au començament del grop, la formacion s'es estabilizada ambe Nicko McBrain a partir de 1982. Michael Kenney, el, es vengut lo jogaire de clavièrs de Iron Maiden en 1988.
Ja populars dins lo mitan del hard ròck au Reialme Unit tre lo començament de las annadas 80, lor tresen album que sortís en 1982, The Number of the Beast, e lo primièr enregistrat amb Bruce Dickinson coma cantaire, va cambiar lor carrièra, vist que non solament es n°1 de las vendas de disques en Anglatèrra, mas en mai d'aquò e se vend fòrça plan a l'internacional (Estats Units, França...). Los títols The Number of the Beast, Run to the Hills e sustot Hallowed Be Thy Name son aital venguts de classics del repertòri de Iron Maiden, jogats dins cada concèrt.
Dètz ans aprèp The Number of the Beast, Iron Maiden sortís en 1992 un autre album qu'a marcat lo ròck, lo famós Fear of the Dark, que s'es vendut a un mai d'un milion d'exemplaris capvath lo monde entièr tre la setmana de sa sortida, el tanben n°1 de las ventas de disques en Anglatèrra. Conten los singles Be Quick or Be Dead, From Here to Eternity e Wasting love, e sustot doas cançons vengudas emblematicas de la discografia de Iron Maiden : Afraid to Shoot Strangers e Fear of the Dark.
Pr'aquò, en 1994, Bruce Dickinson se tira per se lançar en solitari. Es remplaçat au cant per Blaze Bayley dincas en 1999, vist que fin finala, Bruce Dickinson torna coma cantaire de Iron Maiden aprèp aquesta parentèsi de cinq ans.
En 2003, Iron Maiden enregistra l'album Dance of Death que conten Montségur, un tròç a prepaus de la Crosada dels albigeses.
Lor cançon Hallowed Be Thy Name es estada represa en 1998 pel grop britanic de black metal Cradle of Filth.
Discografia 1980: Iron Maiden 1981: Killers 1982: The Number of the Beast 1983: Piece of Mind 1984: Powerslave 1986: Somewhere in Time 1988: Seventh Son of a Seventh Son 1990: No Prayer for the Dying 1992: Fear of the Dark 1995: The X Factor 1998: Virtual XI 2000: Brave New Worldhttp://www.chartsinfrance.net/Iron-Maiden/Brave-New-World-a100032055.html 2003: Dance of Deathhttp://www.chartsinfrance.net/Iron-Maiden/Dance-Of-Death-a105130009.html 2006: A Matter of Life and Deathhttp://www.chartsinfrance.net/Iron-Maiden/A-Matter-Of-Life-And-Death-a101567882.html 2010: The Final Frontier 2015: The Book of Souls 2021: Senjutsu
Cançons mai conegudas en Occitània Wrathchild (1981) Run to the Hills (1982)http://www.chartsinfrance.net/Iron-Maiden/Run-To-The-Hills-s4333.html Hallowed Be Thy Name (1982) The Number of the Beast (1982)http://www.chartsinfrance.net/Iron-Maiden/The-Number-Of-The-Beast-s5468.html The Trooper (1983) Flight of Icarus (1983) 2 Minutes to Midnight (1984) Wasted Years (1986) Can I Play with Madness (1988) Bring Your Daughter... to the Slaughter (1990) Be Quick or Be Dead (1992) From Here to Eternity (1992) Wasting Love (1992) Afraid to Shoot Strangers (1992) Fear of the Dark (1993) Man On The Edge (1995)http://www.chartsinfrance.net/Iron-Maiden/Man-On-The-Edge-s2156.html The Wicker Man (2000)http://www.chartsinfrance.net/Iron-Maiden/The-Wicker-Man-s3597.html Wildest Dreams (2003)http://www.chartsinfrance.net/Iron-Maiden/Wildest-Dreams-s4956.html Montségur (2003)
Referéncias
Categoria:Grop de rock britanic Categoria:Grop de musica dels ans 2020 Categoria:Grop de musica dels ans 2010 Categoria:Grop de musica dels ans 2000 Categoria:Grop de musica dels ans 1990 Categoria:Grop de musica dels ans 1980 Categoria:Grop de musica britanic Categoria:Grop de rock Categoria:Heavy metal Categoria:Grop de metal Categoria:Grop de hard rock categoria:grop de heavy metal