thumb|right|Una pagina de la taula publicada per Briggs en 1617.
Henry Briggs (febrier de 1561, Warley Wood - 26 de genier de 1630, Oxford) es un matematician anglés de la premiera partida dau sègle XVII. Nomat professor de geometria au Gresham College, participèt fòrça a la difusion deis idèas de Johannes Kepler e de John Napier en Anglatèrra. En particular, s'interessèt a la simplificacion dei taulas de logaritmes e publiquèt, tre 1617, lei premierei taulas de logaritmes decimaus. En 1619, foguèt nomat a l'Universitat d'Oxford. I publiquèt cinc ans pus tard son òbra principala, Arithmetica Logarithmica, un obratge que conteniá lei logaritmes de nombres. Completèt aqueu trabalh amb la publicacion d'una taula dei logaritmes de sinus en 1631-1633 (Trigonometria Britannica).
Liames intèrnes
Logaritme. Logaritme decimau. Taula de logaritmes.
Bibliografia
(en) Hugh Chisholm, « Briggs, Henry », Encyclopædia Britannica, Cambridge University Press, 11 edicion, 1911.
Nòtas e referéncias
Categoria:Matematician anglés