Pigalle èra un grop francés eissit de la scèna independenta fondat a Paris (França) en 1982 pel multi-instrumentista François Hadji-Lazaro. Los autres sòcis istorics de Pigalle son lo bassista Daniel Hennion,https://web.archive.org/web/20230524165321/https://www.universalmusic.fr/artistes/20000151337 Christian Gadré als clavièrs, e lo bataire Francis Gadré.
Lo nom Pigalle es plan solide inspirat de lo del barri popular parisenc, mas tanben d'una cançon francesa de 1946 de Georges Ulmer, que Pigalle ne faguèt una represa sus lor primièr album de 1986.
Pigalle es sovent confondut amb Los Garçons Bouchers, pr'amor que François Hadji-Lazaro n'es tanben musician, compositor e cantaire d'aqueste grop del rock independent francés, fondat el en 1986.
La musica de Pigalle se vòl eredèra de la cançon populara parisenca de carrièra (Pigalle), donc a basa d'instruments tradicionals, acordeon, òrgue de barbariá, mandolina etc, en i mesclant d'influéncias ròck e fòlk. Aguèron un tube vertadièr en 1991 amb la cançon Dans la salle du bar-tabac de la rue des Martyrs, un tròç tirat de lor segond album de 1990, que demora la mai coneguda de lor repertòri, quitament se abans Dans la salle du bar-tabac..., lor represa de Pigalle aviá jà agut un polit resson en 1988, e se lor cançon La Patate aguèt tanben un vertadièr succès popular de caps 1993-1994.
Lo paure François Hadji-Lazaro defuntèt lo dissabte 25 de febrièr de 2023.
Discografia 1986: Pigalle 1990: Regards affligés sur la morne et pitoyable existence de Benjamin Tremblay, personnage falot mais ô combien attachant 1993: Rire et pleurer 1997: Alors... 2010: Des espoirs 2014: T'inquiète... 2018: Ballade en mélancolie
Cançons mai conegudas Pigalle (1988, represa de Georges Ulmer) L'éboueur (1988) Dans la salle du bas-tabac de la rue des Martyrs (1991) Angèle (1991) Marie la rouquine (1992) Ne reviens (1993) Patate (1993)
Referéncias
Categoria:grop de rock francés Categoria:Grop de rock Categoria:Grop de musica dels ans 1980 Categoria:Grop de musica dels ans 1990 Categoria:Grop de musica francés