thumb|right|Fotografia d'un carri Fiat M15/42 dins un musèu.
Lo carri Fiat M15/42 es un carri mejan de la Segonda Guèrra Mondiala concebut a partir dei carris Fiat M13/40 e M14/41. Èra dotat d'un motor pus poderós e de filtres pus eficaç per l'adaptar ai condicions duras dau clima saharian. Gardèt un canon de 47 mm coma armament principau e recebèt tres mitralhièras de 8 mm coma armament segondari. Èra capable d'agantar una velocitat de 40 km/h.
Lo M15/42 deviá corregir lei defauts de sei predecessors mai aviá de problemas identics : durada tròp importanta entre sa concepcion e son intrada en servici, simplificat tecnica per l'adaptar a l'otís industriau italian, armament tròp feble, blindatge riblat e tròp leugier, etc. Èra ansin obsolèt tre son intrada en servici au sen de la division Ariete IIEn mai de problemas grèus coma lo blindatge riblat, sei caracteristicas correspondián a aquelei dei carris leugiers deis autrei poissanças majoras de la Segonda Guèrra Mondiala.. La produccion comencèt tardivament e lo nombre d'exemplaris produchs es pauc clar amb de chifras anant de 90 a 333 segon lei fònts. Lo carri participèt ai combats entre Italians e Alemands per lo contraròtle de Roma après la capitulacion italiana dau 3 de setembre de 1943. Alemanha capturèt plusors desenaus exemplaris e perseguiguèt la produccion dins lo nòrd d'Itàlia. La Wehrmacht l'utilizèt en Iogoslavia per equipar leis unitats encargadas de combatre lei partisansAu mens 85 exemplaris èran en servici en decembre de 1944..
Annèxas
Carri Fiat M13/40. Carri Fiat M14/41.
Bibliografia
(en) Filippo Cappellano, Pier Paolo Battistelli, Italian Medium Tanks: 1939-45, Osprey Publishing, 2012.
Nòtas e referéncias
Categoria:Carri italian Categoria:Carri mejan Categoria:Carri de la Segonda Guèrra Mondiala