thumb|220px|right|La cantaira belga Lara Fabian
Lara Fabian, de son nom vertadièr Lara Sophie Katy Crokaert, nascuda lo 9 de genièr de 1970 còsta Brussèlas (Belgica), es una cantaira francofòna, d'origina flamenca pel paire e italiana (siciliana) per la maire. Es tanben autora e compositritz. A la ciutadanetat bèlga e canadiana.
A lo francés per lenga mairala, e logicament canta mai que mai en francés ; pr'aquò, canta tanben dins d'autras lengas o dialèctes, en anglés (I Will Love Again), en alemand, en sicilian, en italian (Caruso), en napolitan, en portugués (Meu Grande Amor), en espanhòl (Quédate), en grèc, en rus, en latin, en ebrieu, en turc, en azèri e en mandarin, çò que li a permés d'aver de resson al nivèl internacional.
Son nom de scèna es inspirat pel prenom de son oncle Fabiano.
A vint ans, decidís de partir viure al Canadà, al Quebèc : aciu-delà, son primièr album en francés, publicat en 1991, i obten un polit resson.https://www.journaldesfemmes.fr/people/personnalites/2712327-lara-fabian-vie-privee-age-fille-mari-bio/
En 1997, son tresen album Pura es aqueste còp tanben una plan gròssa capitada dins los païses francofòns d'Euròpa (vendut quitament a mai d'un milion d'exemplars en França), gràcias en particular a dos gròsses tubes : Tout e Je t'aime.
Lara Fabien ven alavetz còsta Céline Dion e Hélène Ségara l'una de las cantairas francesas a votz las mai popularas de sa generacion pendent un desenat d'annadas, ambe de tubes coma Si tu m'aimes en 1998, puèi en 1999 La différence, una version cantada de l'Adagio de Remo Giazotto, tanben Otro Amor Vendrá (n°1 en Espanha), en 2002 Immortelle e Tu es mon autre (en duò ambe Maurane) etc.
En 1998, lo cantaire francés Johnny Hallyday la convida sus l'empont a l'Estadi de França per i cantar ambe el una novèla version de sa cançon Requiem pour un fou. Sortida en seguida en single, aquesta version serà un tube en França en 1999.
Discografia 1991: Lara Fabian 1994: Carpe Diem 1996: Pure 1999: Lara Fabian 2001: Nue 2004: A Wonderful Life 2005: 9 2009: Toutes les femmes en moi 2009: Every Woman in Me 2010: Mademoiselle Zhivago 2013: Le Secret 2015: Ma vie dans la tienne 2017: Camouflage 2019: Papillon 2020: Lockdown Sessions
Cançons mai conegudas Je m'arrêterai pas de t'aimer (1991) Je suis malade (1994, represa de Serge Lama) Leila (1994) Tout (1997) Je t'aime (1997) Humana (1998) Si tu m'aimes (Meu Grande Amor) (1998) La différence (1999) Requiem pour un fou (1999, version sus l'empont, de e ambe Johnny Hallyday) Adagio (1999, represa d'un tèma de Remo Giazotto, inspirat d'una sonata de Tomaso Albinoni) You're Not From Here (1999) Love by Grace (1999) I Will Love Again (Otro Amor Vendrá) (2000) J'y crois encore (2001) Quédate (2001) Immortelle (2002) Aimer déjà (2002) Tu es mon autre (2002, ambe Maurane) Bambina (2003, version sus l'empont, ambe Jean-Félix Lalanne) Caruso (2003, version sus l'empont, represa de Lucio Dalla) Un Cuore Malato (2007, ambe Gigi D'Alessio)
Referéncias
Categoria:Cantaira bèlga Categoria:Cantaira francesa Categoria:Naissença en 1970 Categoria:Cantaira e cantaire dels ans 1990 Categoria:Cantaira e cantaire dels ans 2000 Categoria:Cantaira e cantaire francofòn del Canadà