Narbonés es un parçan d'OccitàniaSegon la classificacion de Frederic Zégierman. situat en Lengadòc. A l'Edat Mejana, formèt lo territòri del vescomtat de Narbona. Sa capitala es la ciutat de Narbona.
Istòria Le Narbonés èra un ancian pagus qu'aviá Narbona per caplòc. Foguèt lèu desmembrat per la creacion dels avescats de Carcassona e d'Elna. Comprenguèt alara le Narbonés pròpriament dit, Menerbés, Rasés, le País de Saut, Donasan, Capcir, Fenolhedés, Termenés e Pèirapertusés. En 1318, la creacion dels avescats d'Alet e de Sant Ponç de Tomièiras modifiquèt un còp de mai l'espandida de Narbonés; Menerbés foguèt despartit entre la diocèsi de Narbona e la de Sant Ponç; le Naut Rasés foguèt atribuït a la diocèsi d'Alet, le Bas Rasés demorèt a Narbona, tanplan coma Termenés e Pèirapertusés Abbé Sabarthès, Dictionnaire topographique du département de l'Aude, 1912, p. 271, legir en linha https://gallica.bnf.fr/ark:/12148/bpt6k110095d/f363.item.texteImage . Al sègle IX, Narbonés compreniá le Narbonés pròpriament dit, Territorium Narbonense en 821, Menerbés, Suburbium Minerbense en 873 e le país de Ventajon, Suburbium Ventaionense en 819. Autras fòrmas ancianas : Narbonense en 1204, Narbonesium en 1242, In Narbonerio en 1278, Narbonois, Nerbonois, Nerbonnois, Noirbonnois, als sègles XII o XIII . Le Narbonés pròpriament dit correspond als cantons de Narbona, de Ginestars, de Corçan e la partida orientala del canton de Lesinhan de las Corbièras. Jol rapòrt eclesiastic formava un archipreirat qu'aviá Capestanh per caplòc .
Nòtas
Categoria:Narbonés Categoria:Parçan de Lengadòc Categoria:Parçan occitan