200px|thumb|200px|Dero, lo cantaire de Oomph!
Oomph! es un grop de metal industrial alemand aparentat a la Neue Deutsche Härte, originari de Brunswick (Alemanha). Format en 1989, lo grop canta en alemand e en anglés e lor estili musical es una mescla de guitarras electricas e de musica electronica.
Oomph! es estat fondat per Crap (guitarra e sintetizador), Dero (cant, batariá e composicion) e Flux (guitarra, escapolonaire, sintetizor e bassa). D'autres musicians ofícian sus l'empont a la batariá e a la bassa.
A la debuta, lo trio mescla sus l'empont l'EBM, lo metal e la musica gotica, un estili ibrid batejat mai tard en Alemanha la Neue Deutsche Härte.
La musica d'Oomph! càmbia al moment de l'enregistrament de lor primièr album omonim publicat en 1992 e de son successor Sperm (1994), dos albums que s'orientan cap al heavy metal, en gardant pr'aquò las raices electronicas originalas del grop.
En 1998 Oomph! sortís Unrein, album escur e freg, que los sarra de la musica gotica. En seguida, i aurà dos albums fòrça mai melodics (Plastik en 2000 e Ego en 2001) qu'an per mira de tocar un public mai larg, en particular Plastik que compòrta una cançon en collaboracion ambe Nina Hagen.
Mas es en 2004, ambe la sortida de l'album Wahrheit oder Pflicht, que lo grop obten vertadièrament la consacracion, portat per la capitada en Alemanha del single Augen Auf!.
En 2008, Oomph! publica l'album Monster, que conten los títols Labyrinth e Sandmann, e que confirma lor capitada.
En 2009, lo grop festeja sos vint ans e jòga en primièra partida de Marilyn Manson lo 24 de junh a Linz (Àustria).https://www.toulouseblog.fr/les-25-ans-de-oomph-au-metronum-de-toulouse/
Discografia 1992 : Oomph! 1994 : Sperm 1995 : Defekt 1996 : Wunschkind 1998 : Unrein 2000 : Plastik 2001 : Ego 2004 : Wahrheit oder Pflicht 2006 : GlaubeLiebeTod 2008 : Monster 2012 : Des Wahnsinns Fette Beute 2015 : XXV 2019 : Ritual 2023 : Richter und Henker
Referéncias
Categoria:Grop de musica alemand Categoria:Grop de rock alemand Categoria:Grop de musica dels ans 1990 Categoria:Grop de musica dels ans 2000 Categoria:Grop de musica dels ans 2010 Categoria:Grop de musica dels ans 2020 Categoria:Grop de hard rock Categoria:Heavy metal categoria:grop de heavy metal Categoria:Grop de rock Categoria:Rock gotic